News
Լրահոս
News
Կիրակի
Սեպտեմբեր 25
USD
416.27
EUR
406.03
RUB
7.25
Տեսնել լրահոսը

Առաջարկում եմ տրամադրել հարկային վճարումների պարտավորությունների հետաձգում կորոնավիրուսի պայմաններում ամենից շատ տուժած ոլորտների համար, մասնավորապես՝ զբոսաշրջության եւ հյուրանոցային ոլորտներին: Այս մասին այսօր ԱԺ մշտական հանձնաժողովների նիստում հայտարարեց «Բարգավաճ Հայաստանի» պատգամավոր Միքայել Մելքումյանը:

Նրա խոսքով՝ օրինագծով առաջարկվում է 6 ամսով հետաձգել նշված ոլորտների հարկային վճարումները: Այդ համատեքստում պատգամավորը նշեց, որ նման մեխանիզմն արդեն կիրառվում է Ռուսաստանում, Ղազախստանում, Վրաստանում, ԱՄՆ-ում, Շվեդիայում, Ֆրանսիայում, Պորտուգալիայում եւ այլ երկրներում:

«Մասնավորապես, հակաճգնաժամային միջոցների 3-րդ փաթեթից օգտվել է միայն 221 հյուրանոցային տնտեսություն 2,2 մլրդ դրամ ընդհանուր գումարով, եւ 43 տուրիստական ընկերություններ՝ 489 մլն դրամ ընդհանուր գումարով: Ընդ որում, 1-ին փաթեթից օգտվել են 16 հյուրանոցային տնտեսություններ 235 մլն դրամով, ինչպես նաեւ 18 տուրիստական ընկերություններ եւ հասարակական սննդի օբյեկտներ 456 մլն դրամով»,-նշեց պատգամավորը:

Օրինագիծը, այնուամենայնիվ, աջակցություն չստացավ «Իմ քայլի» կողմից: Մասնավորապես, հանձնաժողովի ղեկավար Բաբկեն Թունյանը նշեց, որ ներկայացված գաղափարը նպատակահարմար կլիներ քննարկել փակ քննարկումների ժամանակ բոլոր շահագրգիռ քաղաքական ուժերի մասնակցությամբ:

Արդյունքում երկար քննարկումների հետո օրենսդրական նախաձեռնությունը բացասական եզրակացություն ստացավ:    

!
Այս նյութը հասանելի է նաև   Русский
Տպել
Ամենաշատ
Ֆոտոռեպորտաժներ