Գիտնականները նախապատմական մարդկանց կողմից նետ ու աղեղի հինավուրց օգտագործման վկայություններ են հայտնաբերել Աֆրիկայի սահմաններից դուրս, Շրի Լանկայի քարանձավում, գրում է Planet Today-ը:
Վարազի, եղնիկի, կաթնասունների եւ այլ արարածների ոսկորներից պատրաստված նետերը առնվազն 45 000 տարի առաջ օգտագործվել են ծառերի վրա ապրող կենդանիներին որսալու համար:
Նետերի ծայրերի բեկորները, որոնք հայտնաբերվել են Ֆա Խյեն Լենա քարանձավում՝ ասիական կղզուց հարավ-արեւմուտք, օգնել են որսորդներին գտնել այն ժամանակների արեւադարձային անտառների արագավազ կապիկներին եւ սկյուռիկներին։ Հնագետների միջազգային թիմը հաստատում է, որ նետերի բեկորները ավելի հին են, քան նման տեխնոլոգիայի ցանկացած վկայություն, որ երբեւէ գտնվել է Եվրոպայում։
Ոսկորներից զենքերի մեջ հայտնաբերվել են նաեւ արտեֆակտներ կամ բրիչներ, որոնք սովորաբար կապված են հագուստի կամ ձկնորսական ցանցերի համար թելերի պատրաստման հետ: Այս վայրում հայտնաբերված այլ իրերի թվում են գունավոր ուլունքներ, որոնք պատրաստված են հանքային կավաքարից, եւ դեկորատիվ ուլունքներ՝ պատրաստված խխունջներից։
