Հայաստանում վերջին 2 տարում գազի սպառման մակարդակն աճել է ավելի քան 10 տոկոսով, ինչը թույլ է տվել մեղմել սակագնի բարձրացման պահանջները: Այս մասին լրագրողների հետ զրույցում ասաց «Գազպրոմ Արմենիա» ՓԲԸ-ի գործադիր տնօրեն Հրանտ Թադեւոսյանը:
Նրա խոսքով՝ գազի սպառման աճը նպաստել է փայտ օգտագործման սահմանափակմանը:
«Սակագնի ձեւավորման հարցում իր դերն է ունեցել նաեւ գազի կորստի կրճատումը»,-նշեց նա:
Նա հավելեց, որ Հայաստանին մատակարարվող ռուսական գազն իր կալորիականությամբ բարձր է, քան ընդունված է միջազգային հաշվարկներով (7900 կիլոկալորիա): Ռուսական գազի կալորիականությաւնը կազմում է 8900 կիլոկալորիա՝ նշեց տնօրենը:
Նա ընդգծեց, որ վերջին տարիներին ընկերության վնասները կազմել են 90 մլրդ դրամ, սակայն այսօր բացասական բալանսը հաջողվել է վերականգնել:
