IAB-ի տրամադրության տակ են հայտնվել Kia-ի շնորհանդեսի նյութերով սլայդներ, որոնցում բացահայտվում են այս տարի նոր ավտոմեքենաների թողարկման ընկերության ծրագրերը, եւ նորույթների թվում է Kia Seltos-ի էլեկտրական տարբերակը, հայտնում է RG-ը։
Սակայն չի կարելի չնկատել մի յուրահատկություն։ Բանն այն է, որ Seltos EV-ը նախատեսված է չինական շուկայի համար, որտեղ մոդելը վաճառվում է այլ՝ Kia KX3 անվանումով։ Այս դեպքում տրամաբանական հարց է առաջանում՝ ինչո՞ւ է շնորհանդեսում մոդելը նշվում որպես Seltos։
Ըստ նախնական տեղեկությունների՝ Seltos EV-ը կարող է ձեռք բերել Hyundai Kona-ի ուժային սարքը՝ հետին սռնու վրա տեղադրված էլեկտրական շարժիչը արտադրում է 136 կամ 204 ձիաուժ, առաջին դեպքում տեղադրվում է 39.2 կՎտ/ժ հզորությամբ մարտկոց, որը թույլ է տալիս վարել ավելի քան 310 կմ, երկրորդում` 64,2 կՎտ/ժ՝ ապահովելով 480 կմ ընթացք:
Հիշեցնենք, որ նախորդ սերնդի Kia KX3-ն ուներ էլեկտրական տարբերակ՝ 111 հզորությամբ շարժիչով եւ 45,2 կՎտ/ժ (շուրջ 300 կմ) ծավալով մարտկոցով։
Ակնկալվում է, որ Seltos EV-ը կարտադրվի ամռան վերջին: Ամենայն հավանականությամբ, մոդելը կրկին հասանելի կլինի միայն ՉԺՀ շուկայում:
Ռուսաստանում Kia Seltos-ը ներկայացված է 121, 123, 149 եւ 177 ձիաուժ հզորությամբ բենզինային շարժիչներով:
