Windows 10-ի նոր դիզայնը ադապտիվ սալիկներ եւ կիսաթափանցիկ ֆոն կունենան: Օպերացիոն համակարգի տարրերի պատկերները ներկայացվել էին Microsoft 365 թիմի կողմից ընկերության ֆեյսբուքյան էջին:
Ըստ համակարգի մշակողների՝ ինտերֆեյսի տարրերը կիսաթափանցիկ ֆոն կունենան, ինչը նրանց թույլ կտա ավելի ներդաշնակ տեսք ունենալ ցերեկային կամ գիշերային թեմայի պայմաններում: Live Tiles սալիկները կստանան ֆոն, որը կհամապատասխանի օպերացիոն համակարգի մնացած ձեւավորմանը: Թողարկված ծրագրերի ցանկը, որը հայտնվում է «Սկսել» կոճակը սեղմելիս, եւս չի ունենա կայուն գունային ֆոն:
Microsoft 365-ի հաղորդագրության մեջ նշվում է, որ նոր տեսքը ոգեշնչված է ներառականության եւ հավասարության թեմաների քննարկումից: Ընկերությունում նաեւ հայտնել են, որ նորացված դիզայնի միջոցով իրենք փորձում են աջակցել ԼԳԲՏ շարժմանը: Ընդ որում, չի հաղորդվում՝ արդյոք նոր ձեւավորումը վերջնական եւ երբ այն հասանելի կլինի Windows 10-ի վրա, հայտնում է «Լենտա»-ն:
