News
Լրահոս
News
Երեքշաբթի
Օգոստոս 11
USD
485.23
EUR
570.68
RUB
6.59
ME-USD
0.01
Տեսնել լրահոսը


Սա քաղաքական հետապնդում է, շինծու քրեական գործ, դրա համար ես այս գործընթացի մասին իրավական որևէ գնահատական չեմ կարող տալ։ Այս մասին NEWS.am-ի հետ զրույցում ասաց ԱԺ «Բարգավաճ Հայաստան» խմբակցության պատգամավոր Շաքե Իսայանը՝ անդրադառնալով երեկ Վերաքննիչ քրեական դատարանի վճռով առաջին ատյանի դատարանի որոշումը բեկանելու և գործն ուղարկելու նույն դատարան՝ նոր քննության։

«Ի սկզբանե՝ մենք պիտի նայենք, թե գործը երբ է հարուցվել, ինչպես, ինչպիսի իրավական խնդիրներով է հարուցվել և ի վերջո, որ առ այս պահը չկա որևէ ցուցմունք որտեղ հստակ մատնանշվում է պարոն Ծառուկյանի առնչությունը այն քրեական գործին, որը կարվել է»,- ասաց պատգամավորը։

Մեր հարցին, թե խմբակցությունը մտահոգություններ ունի՞, որ 2017 թվականի խորհրդարանական ընտրություններին ընտրակաշառք բաժանելու գործով, որով անցնում է Գագիկ Ծառուկյանը, մեղադրանք է առաջադրվել նաև «Ծառուկյան» խմբակցության նախկին պատգամավոր Վանիկ Ասատրյանին և վերջինս կալանավորվել է, ավելի վաղ էլ կալանավորվել էր նախկին պատգամավոր Աբրահամ Մանուկյանը, Շաքե Իսայանը նախ նշեց, որ երբ Գագիկ Ծառուկյանի առանձնատունը խուզարկում էին, համակիրներից ահազանգեր էին ստանում, որ իրենց բնակարակները ևս խուզարկում են, առգրավում համակարգիչներ, փաստաթղթեր, ապա շարունակեց.

«Մտահոգությունը մեկն է՝ ամեն կերպ փորձ է արվում ըննդիմադիր քաղաքական ուժի և համակիրների շրջանում վախի մթնոլորտ և խուճապ առաջացնել։ Դա անընդունելի է, այդ կերպ մեզ չեն լռեցնելու, մենք շարունակելու ենք մեր քննադտական խոսքն ասել։ Եվ այն արտահայտությունները, թե այս «պատերազմական» իրավիճակում ինչպես եք դուք համարձակվում մեզ քննադատել, մեզ չի կանգնեցնելու, որովհետև մենք ուզում ենք, որ «պատերազմական» իրավիճակում մեր պետությունը հաղթի և չենք սպասելու, որ պետությունը պարտվի, և հետո հայտարարենք, որ դուք այսպես պիտի անեիք»,- նկատեց ԲՀԿ-ական պատգամավորը։

«Բարգավաճ Հայաստան» կուսակցության քաղխորհուրդը օրերս հայտարարություն էր տարածել և կոչ արել իշխանությանը ձեռնպահ մնալ խուլիգանական արարքներից։ Ըստ տիկին Իսայանի՝ իշխանությունը ցանկանում է ամեն կերպ հեղինակազրկել ԲՀԿ քաղաքական գործիչներին․

«Բայց սա անցողիկ է։ Այն մարդիկ, որոնք այս «օպերացիան» իրականացնում են, ասեմ, որ սա բումերանգի էֆեկտ է ունենալու»,- ասաց նա՝ հավելելով, որ իշխանությունը իրենց օրինակով պիտի ցույց տա, որպեսզի ատելության գեներացումը մեղմացվի։

Շաքե Իսայանը չի բացառում, որ իրենց խմբակցության առանձին պատգամավորներ հետագայում կարող են անցնել ինչ-որ քրեական գործերով։

«Բայց մենք պատրաստ ենք և անգամ այդ պարագայում, երբ նրանք ստիպված կլինեն ամբողջ խմբակցության պատգամավորների նկատմամբ քրեական գործեր հարուցել, միևնույն է՝ այն խնդիրները, որոնց մասին մենք խոսել ենք և պարոն Ծառուկյանը խոսել է, այդ ամենը չի լուծվելու»,- ընդգծեց ԲՀԿ-ական պատգամավորը։

Իսկ պատգամավորն ինչպե՞ս է գնահատում Սամանադրական դատարանի այսօրվա գործունեությունը, քանի որ քվորում չլինելու պատճառով Բարձր դատարանում նիստեր տեղի չեն ունենում՝ հարցին ի պատասխան Շաքե Իսայանը ևս կարծիք է հայտնել, որ ՍԴ-ում հենց հիմա է ճգնաժամ։ Մինչդեռ, հիշեցնենք, որ վերջին մեկ տարում իշխանություններն անընդհատ հայտարարում էին, որ ՍԴ-ում ճգնաժամ կա և իշխանությունը պիտի լուծի դա։

ԲՀԿ-ական պատգամավորից հետաքրքրվեցինք նաև, թե ինչպե՞ս է իրեն զգում ԲՀԿ առաջնորդ Գագիկ Ծառուկյանը, որը վարակվել է կորոնավիրուսով։ Պատգամավորի փոխանցմամբ՝ Գագիկ Ծառուկյանի վիճակը նորմալ է, ապաքինվում է։ Պատգամավորի տեղեկություններով՝ ԲՀԿ նախագահը բուժումը տանն է ստանում։

Շաքե Իսայանն անդրադարձավ նաև վերջին օրերին լայն քննարկումների առիթ դարձած ԿԳՄՍ նախարարության կողմից շրջանառության մեջ դրված Հանրակրթական չափորոշիչների փոփոխությունների նախագծին, որով առաջակվում է Հայ եկեղեցու պատմություն առարկան հանել դպրոցական ծրագրից և ինտեգրել այլ առարկաների։ Խմբակցությունում քննարկումներ եղել են այս թեմայով, բայց դեռ վերջնական դիրքորոշում հայտնելու համար վաղ է։ Այնուամենայվիվ, Շաքե Իսայանը նկատում է, որ ԲՀԿ-ն պահպանողական արժեքների կրողն է, և բնականաբար, կուսակցության համար, ՀԵՊ առարկան դպրոցներում մեծ դեր ունի։

«Այլ հարց է, թե մասնագիտական առումով դասավանդող ուսուցիչները որքանով են պատրաստ այդ առարկան դասավանդելու, վերապատրաստվելու կարիք ունե՞ն, թե ոչ»,- նկատեց նա։

Ըստ պատգամավորի՝ այդ թեմայի առնչությամբ խմբակցությունը քննարկումներ կունենա Հայ առաքելական եկեղեցու ներկայացուցիչների հետ։

Մանրամասները՝ տեսանյութում։

Տպել
Կարդացեք նաև
Ամբողջը
Ծառուկյանին մեղսագրվող արարքում հիմնավոր կասկածը կա. Վերաքննիչի որոշումը
Դատարանի պատճառաբանությունը կոնկրետ հանգամանքի է առնչվում, որն իրավաչափ չէ, բայց եթե մերժել են մեր բողոքները…
Իշխանությունն ակնհայտորեն ահաբեկված է Գագիկ Ծառուկյանի հեղինակությունից․ Գեւորգ Պետրոսյան
Ամբողջ ազգին սարքել է դիմակահանդեսի մասնակից, իրենք իրենց ընտանիքներով հաճույք են անում, կիլոներով սև իկրա․․․
Կոռուպցիայի կանխարգելման հանձնաժողովը Գագիկ Ծառուկյանի նկատմամբ վարույթ է հարուցել. Զբաղվել է ձեռնարկատիրությամբ
Նախատեսված անհամատեղելիության պահանջները խախտելը նրա լիազորությունների դադարեցման կամ նրան զբաղեցրած պաշտոնից ազատելու հիմք է...
Ծառուկյանից վախենալ պետք չէ, պետք է վախենալ առանց աշխատանք մնացած հազարավոր մարդկանցից. Հայտարարություն
Ես իմ քաղաքական գործունեությամբ շատ հաճախ եղել եմ խորը սոցիալական լարվածության մեջ գտնվող լայն զանգվածների եւ իշխանության միջեւ բալանսավորող, մեղմացնող կամուրջ...
Ինչո՞ւ Ծառուկյանի վերաբերյալ գործը հետ ուղարկեցիք. հարց՝ դատավոր Պապոյանին
Դռնփակ դատական նիստի հետ կապված ինձ հարցեր եք ուղղում…
Վերաքննիչ դատարանը Գագիկ Ծառուկյանին կալանավորելու որոշում չի կայացրել. Երեմ Սարգսյան
Քանի որ կողմերը որոշման հրապարակմանը ներկա չեն եղել, ինչպես նաև դեռևս չենք ստացել…
Ամենաշատ