ԱՄՆ Պետդեպարտամենտը Թուրքիայի իշխանություններին կոչ է արել ազատ արձակել գործարար եւ մեցենատ Օսման Քավալային՝ նշելով, որ այս շաբաթ թուրք մեցենատը 1000 օր է անցկացրել կալանքի տակ այն դեպքում, երբ չի մեղադրվում որեւէ հանցանքի համար:
Պետդեպը Թուրքիային հիշեցրել է միջազգային պարտավորությունները հարգելու եւ պահպանելու կարեւորության մասին:
Քավալան ձերբակալվել է 2017 թվականին Թուրքիայի կառավարության տապալման փորձի մեջ մեղադրանքով:
Նրան մեղադրել են 2013 թվականին Գեզի այգում բողոքի ակցիաները ֆինանսավորելու մեջ:
Անկարան հայտարարել է, որ ԱՄՆ-ի կոչը «դատական գործընթացին միջամտելու փորձ է»: