News
Լրահոս
News
Կիրակի
Սեպտեմբեր 20
USD
485.26
EUR
574.98
RUB
6.46
ME-USD
0.01
Տեսնել լրահոսը

Աշխարհում չկա մի քաղաքական ուժ, որը բացթողումներ չի ունեցել: Սակայն պետք չէ անընդհատ հետ նայել: Մենք պետք է հետեւություններ անենք անցյալի սխալներից, բացթողումներից, մարտահրավերներից եւ նայենք դեպի ապագան: Այս մասին օգոստոսի 3-ին լրագրողների հետ հանդիպման ժամանակ հայտնեց նախկին իշխող Հանրապետական ​​կուսակցության փոխնախագահ Էդուարդ Շարմազանովը:

Ըստ ընդդիմադիր գործչի՝ եթե Հայաստանի կառավարության ղեկավարը հայտարարում է, որ Ադրբեջանի նախագահը կրթված եւ նորմալ անձնավորություն է, իսկ Ադրբեջանը կառուցողական է տրամադրված ղարաբաղյան կարգավորման բանակցային գործընթացի շրջանակներում, ապա այդ վարչապետին ուղղված շատ հարցեր են ծագում: «Նա մերժեց այն պլատֆորմը, որը հաջողվել էր կառուցել Սանկտ Պետերբուրգում եւ Վիեննայում: Այդ դեպքում ինչի՞ մասին է խոսքը»,- վրդովմունք հայտնեց Շարմազանովը՝ հիշեցնելով, որ այդ հանդիպումներից հետո հաջողվեց կոնկրետ առաջընթաց գրանցել, մասնավորապես՝ Ադրբեջանի եւ Ղարաբաղի սահմանի մոնիտորինգի մեխանիզմների ձեւավորման հարցով։

ՀՀԿ ներկայացուցիչը նաեւ նշեց, որ 2016 թվականից մինչեւ 2018 թվականը ԵԱՀԿ Մինսկի խմբի համանախագահները հանդես են եկել 10 հատուկ հայտարարությունով, որտեղ հղումներ են արվել Վիեննայում եւ Սանկտ Պետերբուրգում ձեռք բերված պայմանավորվածություններին: «Եվ դրանք ընդամենը ուղիղ հղումներ են, սակայն արվել են նաեւ անուղղակի հղումներ: 2018-ից հետո դրանց թիվը հասել է զրոյի: Փոխարենը նրանք սկսեցին կենտրոնանալ Դուշանբեում կայացած հանդիպման վրա: Եվ դրանից հետո Ալիեւը դարձավ կրթված, նորմալ եւ ընդհանրապես աներեւակայելի անձնավորություն, իսկ Ադրբեջանը՝ կառուցողական... Հենց մեր կառավարության օրոք, երբ բանակցային գործընթաց էր տարվում, Ալիեւը դժգոհեց, որ իրեն ստիպում են ճանաչել Ղարաբաղի անկախությունը»,- ասաց Շարմազանովը:

Ընդ որում, նա նշեց, որ աջակցում է բոլոր այն քաղաքական գործիչներին եւ առաջնորդներին (մասնավորապես՝ Ռոբերտ Քոչարյանին), ովքեր հայտարարում են, որ հայկական կողմը չպետք է ենթարկվի եւ տրվի շանտաժի: Նախկին պատգամավորի խոսքով՝ եթե Ադրբեջանը սպառնում է Հայաստանին նրանով, որ դուրս կգա բանակցային գործընթացից, ապա դա այդ երկրի քաղաքական ղեկավարության անձնական գործն է: «Ժամանակին Հայաստանի երրորդ նախագահ Սերժ Սարգսյանը հայտարարեց, որ այս խնդիրը լուծելու համար կա ընդամենը երկու ճանապարհ ՝ պատերազմ եւ բանակցություններ, եւ որ հայկական կողմը պատրաստ է երկուսին էլ: Հիմա Նիկոլ Փաշինյանը եւ նրա ղեկավարած իշխանությունը պետք է խաղաղություն չքարոզի՝ այն, ինչ նրանք փորձում էին անել Տավուշի ուղղությամբ դիմակայության ժամանակ: Ադրբեջանցիները ռմբակոծում էին մեր գյուղերը, իսկ այստեղ նրանք խաղաղություն էին քարոզում: Դա նույնն է, եթե Սումգայիթի ջարդերի ժամանակ հայերը խաղաղության կոչեր անեին: Ի՞նչ խաղաղության կոչեր կարող են լինել, եթե ձեզ սպանում են»,- ասաց ընդդիմադիր գործիչը՝ հավելելով, որ ինքը չի պատկերացնում Ղարաբաղում այնպիսի ուժ, որը Ադրբեջանի կողմից ագրեսիայի ժամանակ կխոսեր խաղաղության մասին:

ՀՀԿ ներկայացուցիչը վստահություն հայտնեց, որ խաղաղության մասին պետք է ոչ թե խոսել, այլ՝ պարտադրել: Նա նաեւ վրդովմունք հայտնեց առ այն, որ նոր իշխանությունները, դեռ երկիրը չղեկավարած, անմիջապես սկսեցին ձերբակալել կամ հրաժարվել ղարաբաղյան շարժման հերոսներից: «Նրանք ամենուր փորձում են խցկել Նիկոլ Փաշինյանի անունը: Նրանք արդեն հասել են այն կետին, երբ ուղղակիորեն հայտարարում են, որ Նիկոլ Փաշինյանն անձամբ է ղեկավարել Անվտանգության խորհրդի աշխատանքը եւ մարտերը Տավուշի ուղղությամբ: Նիկոլ Փաշինյանը դարձավ մարշալ Ժուկովը: Նա արդեն անձամբ է ղեկավարում ամեն ինչի... Եթե այսպես շարունակվի, ապա կստացվի, որ Շուշիի ազատագրման պլանը եւս Նիկոլ Փաշինյանի կողմից էր հաստատվել, Բեռլինի գրոհում՝ եւս, եւ Թալիշի եւս նա է ազատգրել»,- հեգնանքով եզրափակեց Էդուարդ Շարմազանովը:

 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Ալիեւը հայտարարել է, որ ղարաբաղյան կարգավորման բանակցությունները իրականում դադարել են
Կարծում եմ, որ ադրբեջանցի ժողովուրդը լիովին համաձայն է ինձ հետ...
Մեկ շաբաթվա ընթացքում հայ դիրքապահների ուղղությամբ արձակվել է ավելի քան 2300 կրակոց
ՊԲ առաջապահ ստորաբաժանումները հիմնականում ձեռնպահ են մնացել հակառակորդի սադրիչ…
Արցախի հարցում կարգավորման մոդել չունենալը վտանգավոր է, նշանակում է՝ միջնորդներից վատ առաջարկ ենք ստանալու. Քոչարյան
Բանակցությունները շարունակվելու են, չեմ կարծում, որ չեն շարունակվելու...
Մադրիդյան սկզբունքները միջազգային միակ փաստաթուղթն է, որը հաստատում է Ղարաբաղի հայերի ինքնորոշման իրավունքը. Քոչարյան
Ինչով էր դա մեզ համար չափազանց կարեւոր, որովհետեւ դա այն սկզբունքն է, որի վրա հիմնված է Լեռնային Ղարաբաղի Հանրապետության...
Միջնորդների վերաբերմունքում բեկում առաջացավ, երբ հասկացան, որ մենք Ղարաբաղը բեռ չենք համարում. Ռոբերտ Քոչարյան
Վճռականությունը բանակցային գործընթացքում, բանակի ուժեղացումը, տնտեսական հաջողությունները...
Ղարաբաղը գործընկերոջից դարձրել են Հայաստանի ենթակա, դա ծանրագույն վնաս է Ղարաբաղի անվտանգությանը. Քոչարյան
Այն ինստրուկցիան է, որտեղ պետք է կարմիր գույնով գրած լինի՝ մի՛ արա...