News
Լրահոս
News
Երեքշաբթի
Սեպտեմբեր 22
USD
485.26
EUR
574.98
RUB
6.46
ME-USD
0.01
Տեսնել լրահոսը

SkyDrive Inc ընկերությունն ավարտում է աշխարհում ամենափոքր eVTOL սարքի նախատիպի փորձարկումներն ու պատրաստվում նախագծի կոմերցիոն շահագործման Ճապոնիայի կառավարության աջակցությամբ։ Մեկնարկը կտրվի Տոկիոյում եւ Օսակայում։ Թռիչքի միջին տեւողությունը կկազի 5-10 րոպե մինչեւ 100 կմ/ժ արագությամբ։ Առաջին թռիչքուղիները կլինեն ջրի վրա։ Սկզբում SkyDrive մեքենաները կտեղափոխեն մեկական ուղեւոր, հաղորդում է HighTech+-ը։

SD-XX կոդով SkyDrive-ի էլեկտրական նախատիպը ներկայիս ամենափոքր eVTOL ինքնաթիռներից է։ Այն ունի 1.5 մետր բարձրություն, 4 մետր երկարություն եւ 3.5 մետր լայնություն։ Մեքենան կտեղափոխի ուղեւորին մի քանի տասնյակ կիլոմետր ճանապարհ։ Ինքնաթիռը համալրված է ավտոպիլոտով, սակայն փորձարկումների նախնական փուլում սրահում կգտնվի օդաչու, ուստի մեքենան կարող է տեղափոխել միայն մեկ ուղեւոր, հաղորդում է Japan Times-ը։

Ուղեւորները կտեղափոխվեն քաղաքի տարբեր շրջաններ՝ կենտրոնից օդանավակայան, կենտրոնից ծայրամասեր։ Լիցքավորման կայանները կտեղադրվեն բարձրահարկ շենքերի տանիքներին։

Նախագիծը հովանավորում է Ճապոնիայի կառավարությունն ու ավելի քան 100 մասնավոր ընկերություններ, այդ թվում՝ NEC-ը, Panasonic-ն ու Yazaki-ն, որոնք ապահովում են ոչ միայն ֆինանսական աջակցություն, այլ նաեւ մարդկային ռեսուրսներ ինժեներների եւ ծրագրավորողների տեսքով։ Ծառայության կոմերցիոն շահագործման սկիզբը նախատեսվում է 2023 թվականին, իսկ 2024 թվականին ընկերությունը նախատեսում է տեղափոխել 1000 մարդ, 2028-ին՝ կսկսի վաճառել թռնող ավտոմեքենաներ մասնավոր հաճախորդներին անձնական օգտագործման համար։ Հայտարարվել է, որ յուրաքանչյուր մեքենան կարժենա ոչ ավել, քան պրեմիում դասի ավտոմեքենաները։

Կանխատեսվում է, որ 2050 թվականին ցանկացած քաղաքացի կկարողանա տեղափոխվել մայրաքաղաքի 23 թաղամասերի սահմաններում առավելագույնը 10 րոպեում։

Morgan Stanley-ն նշում է, որ ակնկալվում է առաջիկա 20 տարիների ընթացքում eVTOL տրանսպորտի շուկան մեծացնել մինչեւ 1,5 տրիլիոն դոլարով, սակայն սկզբում աէրոտաքսին կլրացնի գործող տրանսպորտային ենթակառուցվածքը, ինչպես, օրինակ, սովորական ուղղաթիռները։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Համաշխարհային շուկաներում բիթքոինի գինն ընկել է 5 տոկոսով
Բիթքոինը վաճառվում է մոտ 10.5 հազար դոլարով...
WhatsApp-ում նոր գործառույթ կհայտնվի
Գործառույթի գործարկումից հետո հավելվածում կհայտնվի «Կապված սարքեր» բաժինը, որտեղ օգտատերը կարող է միաժամանակ մինչեւ չորս գաջեթ միացնել...
Facebook-ը նոր նախաձեռնություն է գործարկում` ամերիկացիներին քվեարկել դրդելու համար
Facebook-ը զանգվածային արշավ է սկսում` մարդկանց կոչ անելով այցելել վիրտուալ քվեարկության տեղեկատվական կենտրոններ, որտեղ նրանք կկարողանան իմանալ, թե ինչպես գրանցվել քվեարկելու համար...
Microsoft-ը մեկ տարում Windows 10-ի համար երկրորդ թարմացումն է թողարկել
Թարմացումները ստանալու համար անհրաժեշտ է մտնել «Windows-ի թարմացումների կենտրոն» եւ ընտրել 20H2 հավաքածուի ներբեռնումը․․․
Շինարարական ընկերությունների կողմից վնասվել են Beeline-ի օպտիկական մալուխները. հայտարարություն
Մեր աշխատակիցները գործադրում են բոլոր հնարավոր ջանքերը, որպեսզի այս խնդիրը լուծվի հնարավորինս կարճ ժամկետներում...
ԱՄՆ դատարանը թույլ չտվեց WeChat-ը հեռացնել Google-ի եւ Apple-ի խանութներից
Արգելքը պետք է ուժի մեջ մտներ կիրակի` սեպտեմբերի 20-ին, պատմել է ԱՄՆ Սան-Ֆրանցիսկոյի դատավոր Լորել Բիլերը...