Կիրակի Սիրիայի նախագահ Բաշար Ասադը հաստատել է կառավարության նոր կազմը վարչապետ Հուսեյն Արնուսի գլխավորությամբ․ պաշտպանության եւ արտաքին գործերի նախարարներ Ալի Աբդալա Այուբն ու Վալիդ ալ Մուալեմը պահպանել են իրենց պաշտոնները, թվիթերյան էջում հայտնել է նախագահի վարչակազմը։

Սիրիայի նոր կառավարության կազմում է ընդգրկվել 29 նախարար, որոնցից 2-ը՝ կանայք․ վերջիններս զբաղեցրել են մշակույթի նախարարի եւ աշխատանքի ու սոցիալական հարցերի նախարարի պաշտոնները։

Նոր վարչապետը նշանակել է նավթի եւ էլեկտրաէներգիայի նոր նախարարներ։ Այդ որոշումը կայացվել է Սիրիայում վերջերս տեղի ունեցած գազատարի պայթյունից հետո, հաղորդում է ՌԻԱ Նովոստի-ն։