Գերմանիայից զբոսաշրջիկ կինը դարձել է սեռական բռնության զոհ Լագոդեխիում արգելոցի տարածքում (Կախեթիա), հաղորդում է «Ֆորմուլա» հեռուստաալիքը։
Դեպքը տեղի է ունեցել սեպտեմբերի 4-ի երեկոյան։ Կինը ժամանել էր պահպանվող տարածք ամուսնու հետ միասին։ Նրանք որոշել էին գիշերել արգելոցում, հաղորդում է Նովոստի-Գրուզիա-ն։
Նախնական տեղեկություններով՝ սեռական բնույթի հարձակումը գործել է Լագոդեխի շրջանի բնակիչը, որը գտնվել է Ազգային պարկում ընկերների հետ միասին։ Ականատեսների խոսքով՝ ընկերախումբն ինչ-որ առիթով էր հավաքվել․ բոլորը հարբած էին։
Նախօրեին առավոտյան հետաքննություն սկսելու պահանջով ոստիկանություն էր դիմել կնոջ ամուսինը։ Ամբողջ օրվա ընթացքում շարունակվել են օպերատիվ-քննչական միջոցառումները։ Ականտեսները հարցաքննվել են շրջանային ոստիկանության բաժնում։
Ենթադրյալ բռնաբարն արդեն ձերբակալվել է։ ՆԳՆ-ն շարունակում է քննությունը բռնաբարության հոդվածի հատկանիշներով։