Հայաստանի նախագահ Սերժ Սարգսյանն այսօր` մայիսի 20-ին ընդունել է թեթեւագույն քաշում IBՕ վարկածով աշխարհի չեմպիոն Վախթանգ Դարչինյանին:
Նախագահի մամուլի գրասենյակից NEWS.am-ին հայտնում են, որ Սերժ Սարգսյանը շնորհավորել է անվանի բռնցքամարտիկին` Յոնի Պերեսի հետ դիտարժան մենամարտում տարած վերջին հաղթանակի եւ IBՕ վարկածով աշխարհի չեմպիոնի տիտղոսը նվաճելու առթիվ: Նախագահը նորանոր հաղթանակներ է մաղթել աշխարհի չեմպիոնին՝ ընդգծելով, որ Հայաստանում ուշիուշով հետեւում են նրա բոլոր մենամարտերին եւ հպարտանում՝ ինչպես նրա, այնպես էլ սպորտի բնագավառում մեր մյուս հայրենակիցների հաղթանակներով:
Վախթանգ Դարչինյանը խորհրդանշական է համարել, որ մենամարտը տեղի է ունեցել ապրիլի 24-ին՝ Հայոց ցեղասպանության տարելիցի օրը եւ ավարտվել՝ իր հաղթանակով: