Google ընկերությունը մտադիր է 2030 թվականին տվյալների մշակման իր կենտրոնները եւ գրասենյակները ապահովել բացառապես էներգիայի վերականգնվող աղբյուրներով, Reuters լրատվական գործակալությանն ասել է ընկերության ղեկավար Սունդար Պիչայը։
Ընկերությունն այս նպատակով ստիպված կլինի դուրս գալ էլեկտրականություն օգտագործելիս ածխաթթու գազի արտանետումների փոխհատուցման տեխնոլոգիական ճյուղի նորմերի շրջանակից, ինչի համար անհրաժեշտ կլինի տեխնոլոգիական եւ քաղաքական ճեղքում։
«Այս խնդիրն այնքան վիթխարի է, որ մեզնից շատերից կպահանջվի դառնալ այդ ճանապարհի ուղեկցորդներ եւ լուծումներ ցույց տալ։ Մենք դրանում միակ խաղացողն ենք, բայց կարող ենք օրինակ ծառայել»,- հայտարարել է Պիչայը։
Ընկերության ղեկավարի խոսքով՝ ԱՄՆ արեւմտյան նահանգներում բնական հրդեհները մեծացրել են կլիմայական փոփոխությունների վերաբերյալ հանրային իրազեկվածությունը, եւ Google-ը ցանկանում է ավելի շատ ուշադրություն գրավել իր նոր նպատակի, ինչպես նաեւ այդ արտադրանքի գործառույթների նկատմամբ։
Անցյալ տարվա տվյալներով՝ քամու, արեւի եւ այլ վերականգնվող աղբյուրներին բաժին է ընկել Google-ի էլեկլտրաէներգիայի համաշխարհային ժամային օգտագործման 61 տոկոսը․ առանց ածխածնային աղբյուրները բավարարել են Օկլահոմայում Google-ի տվյալների մշակման կենտրոնի էլեկտրաէներգիայի ժամային պահանջի 96 տոկոսը, որն աշխատում է քամու հաշվին՝ Սինգապուրում 3 տոկոսի համեմատությամբ, որն աշխատում է գազով։
