![](img/news/60/21/07/default.jpg)
Տանզանիայի հյուսիսում մասնավոր տարրական դպրոցի հանրակացարանում հրդեհի հետեւանքով զոհվել են 10 աշակերտներ, հայտնել է բարձրաստիճան պաշտոնյան, փոխանցում է Reuters-ը։
Իշխանությունները հրդեհի հետաքննություն են սկսել, որի պատճառն անհայտ է, հայտնել է Կագերայի տարածքային կոմիսար Մարկո Գագուտին։ «Այս հանրակացարանում 74 աշակերտ կար, երբ այն բռնկվել է, նրանք սկսել են փախչել, բայց կրակի ազդեցության պատճառով ոմանք չեն հասցրել»,- ասել է Գագուտին։
Եվս յոթ երեխա այրվածքներ է ստացել։
Նրա խոսքով՝ ոստիկաններն աշխատում են աշակերտների ծնողների հետ՝ մարմինները ճանաչելու համար։ Ակնկալվում է, որ քննիչները հրդեհի պատճառը կպարզեն հաջորդ 14 օրերի ընթացքում։