Twitter-ը հաստատել է, որ պատրաստվում է ջնջել Հոլոքոստը հերքող հաղորդագրությունները` Facebook-ի նմանատիպ որոշումից ընդամենը երկու օր անց:
«Մենք խստորեն դատապարտում ենք հակասեմականությունը, ատելության պահվածքը բացարձակապես տեղ չունի մեր ծառայությունում»,- ասել է Twitter-ի ներկայացուցիչը: «Մենք նաեւ ուժեղ քաղաքականություն ունենք «բռնության հերոսացման» դեմ եւ միջոցներ ենք ձեռնարկում քոնթենթի դեմ, որը փառաբանում կամ գովում է բռնության եւ ցեղասպանության պատմական գործողությունները, այդ թվում` Հոլոքոստը»:
Twitter-ի քաղաքականությունն արգելում է բռնի պահվածքի հիշատակումը կամ փորձը հերքել կամ նսեմացնել այդպիսի իրադարձությունների նշանակությունը:
Ավելի վաղ Facebook սոցիալական ցանցը հայտարարել էր, որ արգելելու է քոնթենթը, որը «հերքում կամ խեղաթյուրում է Հոլոքոստը»: Ընկերությունը հայտարարել էր, որ փոփոխություններ է կատարել այն բանից հետո, երբ հակասեմականության մակարդակի աճ է նկատել:
