News
Լրահոս
News
Հինգշաբթի
Նոյեմբեր 26
USD
508.12
EUR
604.82
RUB
6.72
ME-USD
0.01
Տեսնել լրահոսը

Պետական եկամուտների կոմիտեն քաղաքացիներին դարձյալ հորդորում է հիփոթեքային վարկի սպասարկման համար վճարված գումարների չափով վճարված եկամտային հարկի գումարների վերադարձման դիմումը, ինչպես նաև ֆինանսական կազմակերպություններից ստացած տեղեկանքը հարկային մարմին ներկայացնել բացառապես էլեկտրոնային եղանակով: Կորոնավիրուսի (COVID-19) տարածմամբ պայմանավորված` ստորագրված ու սկանավորված դիմումը և տեղեկանքը պետք է ուղարկել  ձեռք բերված կամ կառուցվող անշարժ գույքի հասցեն սպասարկող սպասարկման բաժնի էլեկտրոնային հասցեին (ցանկալի է նույնաբովանդակ տեղեկատվությունը ներկայացնել մեկ անգամ): Նշենք, որ հարկ վճարողների սպասարկման բաժինների էլեկտրոնային հասցեները հրապարակվել են դեռևս հունիսին և տեղադրվել ՊԵԿ պաշտոնական կայքում:

Բացառություն են առաջին անգամ ներկայացվող դիմումները: Այս դեպքում՝ ՀՀ կառավարության որոշմամբ հաստատված կարգով պահանջվող փաստաթղթերն անհրաժեշտ է ներկայացնել փոստային ծառայության միջոցով:

Հաշվի առնելով այն հանգամանքը, որ գործընթացն իրականացվելու է բացառապես հեռահար, աշխատանքներն ավելի արդյունավետ կազմակերպելու նպատակով` առաջարկվում  է վերոնշյալ դիմումը ներկայացնել այն դեպքում, երբ.

1․ առկա է ֆինանսական կազմակերպությունների կողմից տրամադրված տոկոսագումարների վերաբերյալ ստորագրված և սկանավորված տեղեկանքը (պարտադիր ստուգել վճարված գումարի ճշտությունը),

2․ գործատուների կողմից եկամտային հարկի և սոցիալական վճարի` տվյալ եռամսյակին վերաբերող ամսական հաշվարկները ներկայացված են և վճարված։

Համավարակով պայմանավորված՝ ՊԵԿ-ը կոչ է անում հնարավորինս հետևել սահմանափակումներին և հորդորում՝ փաստաթղթերը հարկային մարմին ներկայացնել բացառապես էլեկտրոնային եղանակով կամ անհրաժշետության դեպքում՝ փոստային առաքմամբ:

Պետական եկամուտների կոմիտեն վստահեցնում է, որ բոլոր դիմումներն առանց խնդիրների ստացվում և ժամանակին ուսումնասիրվում են: Ուստի հարկային մարմնի սպասարկման սրահների աշխատանքային ծանրաբեռնվածությունը հաշվի առնելով` հեռախոսազանգերի միջոցով գումարի վերադարձման վերաբերյալ տեղեկատվություն ստանալու համար նորից դիմելու անհրաժեշտություն չկա: ՊԵԿ-ը հավաստիացնում է` գումարները կվերադարձվեն հնարավորինս արագ։

Ստորև ներկայացվում են ՊԵԿ հարկ վճարողների սպասարկման վարչության սպասարկման բաժինների էլեկտրոնային հասցեները և դիմումների օրինակելի ձևերը:

1. 2015թ. ապրիլի 2-ի N184-Ն հրամանով սահմանված դիմում

2. 2018թ. ապրիլի  20-ի N278-Ա  հրամանով սահմանված դիմում

3. Սպասարկման բաժինների էլեկտրոնային հասցեներ

Տպել
Կարդացեք նաև
Ամբողջը
Հայաստանում դոլարի փոխարժեքը մի քանի օրվա կտրուկ աճից հետո այսօր կրկին նվազել է
Եվրոյի փոխարժեքը կազմել է 604.82 դրամ...
Փորձագետները նշել են Հայաստանի տնտեսության վերականգնման ժամկետները եւ ՀՆԱ-ի մասով կանխատեսում արել
Նրա խոսքով՝ ԵԱՏՄ երկրների ագրեգացված տնտեսական աճը կկազմի 3,2 տոկոս...
Ինչպիսի՞ն կլինի 2021 թվականին դրամի փոխարժեքը դոլարի նկատմամբ. Փորձագետի կանխատեսումը
«Ինչ վերաբերում է հայկական դրամին, ապա այն կկազմի 495 դրամ մեկ դոլարի դիմաց»,-հավելել է փորձագետը...
Երեւանի Կոմիտասի պողոտայում մոտ 10 միլիոն դոլարի ծրագիր կիրականացվի
Սուրեն Պապիկյանը պարզաբանեց, որ ծրագիրը Կոմիտասի պողոտայում գտնվող «Հայկ-88» ՍՊԸ-ին պատկանող շենքի ապամոնտաժում, հողամասի վարձակալության իրավունքի թույլտվություն եւ այդ հողամասի` շինարարության իրավունքի համար ձեւակերպում է նախատեսում...
«Փաստ». Որքա՞ն է իրականում դոլարի փոխարժեքը. սպասվում է սոցիալական ծանրագույն վիճակ
Ներկայումս դոլարի փոխարժեքը կազմում է 520-522 դրամ։ «Փաստ» թերթի տեղեկություններով, այս օրերին ԿԲ-ն լծված է դոլարի կուրսի...
Դոլարի փոխարժեքը մի քանի օրվա կտրուկ աճից հետո այսօր նվազել է. եվրոն մի փոքր աճել է
Թանկարժեք մետաղների համար բանկի կողմից սահմանվել են հետեւյալ գները...