News
Լրահոս
News
Երեքշաբթի
Նոյեմբեր 24
USD
512.31
EUR
608.83
RUB
6.75
ME-USD
0.01
Տեսնել լրահոսը


Վերջին օրերին ինտենսիվորեն ադրբեջանական սոցիալական մեդիայում տարածվում են տարբեր լուսանկարներ ու տեսանյութեր, որոնք հիմնականում լինում են ոչ կեղծ տվյալներ եւ դրանցում տարբեր տիպի պատերազմական հանցագործություններ են ներկայացված լինում: Այս մասին այսօր՝ հոկտեմբերի 24-ին, լրագրողների հետ հանդիպման ժամանակ նշեց Արցախի մարդու իրավունքների պաշտպան Արտակ Բեգլարյանը:

«Դիակների ու ռազմագերիների հանդեպ անմարդկային վերաբերմունքի դեպքեր, գլխատման դեպքեր, նաեւ ռազմագերիներին հանրային հետաքրքրության առարկա դարձնելու դեպքեր: Նաեւ վերջին 2 օրում հրապարակված տեսանյութերից ակնհայտ է, որ նրանք ռազմագերիների հանդեպ կիրառում են ճնշման միջոցներ՝ ֆիզիկական եւ հոգեբանական, որպեսզի նրանց օգտագործեն ադրբեջանական քարոզչական թեզերը ներկայացնելու համատեքստում, ինչը միանշանակ անընդունելի է, կրկին խախտում է Ժնեւյան կոնվենցիայի, միջազգային մարդասիրական իրավունքի դրույթները»,-ասաց նա:

Այս տեսանկյունից, ըստ Արտակ Բեգլարյանի, շատ կարեւոր է, որ միջազգային հանրությունը պատշաճ ուշադրություն դարձնի այդ դեպքերի վրա, որպեսզի կանխարգելի հետագա խախտումները, նաեւ երաշխավորի ռազմագերիների իրավունքների պաշտպանությունը Ադրբեջանում, նաեւ հայ զինծառայողների դիակների նկատմամբ բացառվեն հետագա ոտնձգությունները:

Նա հիշեցրեց, որ Ադրբեջանն արդեն երկու անգամ հրաժարվել է հրադադարի պայմանները պահպանելուց, որի հետեւանքով բազմաթիվ հայ ու ադրբեջանցի զինծառայողների դիակներ հնարավոր չի լինում մարտի դաշտից տեղափոխել, նաեւ փոխանակել ու հասցնել իրենց ընտանիքներին. «Սա անմարդկային վերաբերմունք է այդ դիակների հանդեպ: Այստեղ էլ մենք հետեւություններ ունենք անելու, նաեւ միջազգային հանրությունը: Տպավորություն կա, որ Ադրբեջանը միտումնավոր չի համաձայնում մարդասիրական հրադադարի պահպանմանը, որովհետեւ ունի բազմաթիվ զոհեր եւ չի ցանկանում, որ այդ զոհերը հասնեն իրենց ընտանիքներին, որը կարող է մեծ ռեզոնանս առաջացնել ադրբեջանական հասարակության մեջ»,-ասաց նա:

Արտակ Բեգլարյանը խոսեց նաեւ մեկ այլ միտման մասին, ըստ որի Ադրբեջանը փորձում է թիրախավորել կենսական նշանակության ճանապարհները եւ այլ ենթակառուցվածքներ, որպեսզի խորացնի հումանիտար աղետը Արցախի բնակչության շրջանում:

«Երեկ էլ հրետանային միջոցներով թիրախավորել են Բերձոր քաղաքը: Փորձում են ինչ-որ ձեւով կրակի տակ պահել Հայաստանը Արցախին կապող ճանապարհը, որպեսզի հնարավորինս խաթարեն հաղորդակցությունը երկու հանրապետությունների միջեւ»,-ասաց նա:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Վերջին լուրերը. տեսանորությունների թողարկում՝ անգլերեն. 24.11.2020
Լեռնային Ղարաբաղի Հանրապետության վրա Ադրբեջանի հարձակման կապակցությամբ...
Ղարաբաղ առաքված ՌԴ ԱԻՆ-ի մարդասիրական օգնությունը կուղարկվի Ստեփանակերտ եւ Շուշի
Որպես մարդասիրական օգնություն` 300 տոննա բեռն առաքվել է 30 ծանր բեռնատարներով․․․
Թշնամու աչքերին նայած ու կռիվ տված մարդուն ինչո՞վ պետք է վախեցնեն Հայաստանում. Գեղամ Մանուկյան
Անցել է 15 օր այդ չարաբաստիկ հայտարարությունից, սակայն որեւէ բան չի իրականացվել, դժբախտության մեջ գտնվող մեր հայրենակիցները պետք է գային…
Հայաստանի առաջին օմբուդսմեն. Իշխանություններն անհետ կորածների խնդրի լուծումը բարդել են միայն ՊՆ-ի վրա
Անհետ կորածների մասին տեղեկատվության հավաքագրման եւ մշակման գործընթացը բարդ է եւ դելիկատ...
Ամարասի համալիրն ամբողջությամբ վերահսկվում է ՊԲ-ի զորքերի կողմից. պարսպի վրա ՌԴ դրոշն է
Արցախում չհասած Ամարասի վանական համալիր ռուս խաղաղապահներն են, բայց վաբնական համալիրում եւ հարեւանությամբ ՊԲ-ի ստորաբաժանումներն են...
Քաղաքական գործիչներն այցելում են հացադուլ հայտարարած Գեղամ Մանուկյանին ու Կիմ Բալայանին (ուղիղ)
Գեղամ Մանուկյանը հացադուլ է հայտարարել երեկվանից, այսօր նրան է միացել նաեւ Կիմ Բալայանը…