News
Լրահոս
News
Չորեքշաբթի
Դեկտեմբեր 02
USD
509.14
EUR
613.77
RUB
6.73
ME-USD
0.01
Տեսնել լրահոսը

Ղրղզստանի նախագահի պաշտոնակատար Սադիր Ժապարովը հայտարարել է, որ մտադիր է վայր դնել լիազորությունները՝ ընտրություններին մասնակցելու համար, հաղորդում է ՏԱՍՍ-ը:

Նախագահական արտահերթ ընտրություններ կանցկացվեն հունվարի 10-ին:

«Լիազորությունները վայր կդնեմ դեկտեմբերին եւ կմասնակցեն ընտրություններին մյուսների հետ հավասար»,-ասել է Ժապարովը:

Ղրղզական օրենքներն արգելում են նախագահի պաշտոնակատարին կամ վարչապետին առաջադրվել պետության ղեկավարի պաշտոնին:

Հոկտեմբերի 4-ին Ղրղզստանում կայացած ընտրություններից հետո խորհրդարանում չհայտնված կուսակցությունների աջակիցները զանգվածային անկարգություններ են կազմակերպել: Երկրի ԿԸՀ-ն ընտրությունների արդյունքները անվավեր է ճանաչել եւ նոր ընտրություններ նշանակել դեկտեմբերի 20-ին: Խորհրդարանի խոսնակն ու վարչապետը հրաժարական են տվել: Նոր խոսնակ է ընտրվել Կանատ Իսաեւը, իսկ վարչապետ՝ Ժապարովը: Նրան են փոխանցվել նաեւ նախագահի լիազորություններն այն բանից հետո, երբ հոկտեմբերի 15-ին Սոորոնբայ Ժեենբեկովը հրաժարական տվեց:

!
Այս նյութը հասանելի է նաև   Русский
Տպել
Ամենաշատ