Չկայացած սահմանադրական հանրաքվեի համար գնված նյութերը կարող են օգտագործվել մյուս ընտրությունների համար: Այս մասին նոյեմբերի 4-ին ՀՀ Ազգային ժողովում ֆինանսավարկային եւ բյուջետային, ինչպես նաեւ պետաիրավական հարցերի մշտական խորհրդարանական հանձնաժողովների համատեղ նիստին 2021 թվականի բյուջեի նախագծի քննարկման ժամանակ ասաց ՀՀ Կենտրոնական ընտրական հանձնաժողովի նախագահ Տիգրան Մուկուչյանը: Նրա խոսքով` խոսքը քվեաթերթիկների ծրարների, կնիքների եւ այն ամենի մասին է, ինչը չի նույնացվում Սահմանադրության հանրաքվեի հետ, որը պետք է անցկացվեր ընթացիկ տարվա ապրիլի սկզբին:
«Այսպես թե այնպես ծախսերի հիմնական մասը կկազմեր տեղամասային ընտրական հանձնաժողովների անդամների վարձատրությունը, եւ այդ գումարները, իհարկե, չեն ծախսվել: Այսպիսով, չկայացած հանրաքվեն ֆինանսական կորուստներ չի առաջացրել»,- պարզաբանեց Մուկուչյանը:
Ինչ վերաբերում է տեղական ինքնակառավարման մարմինների ընտրություններին, որոնք նշանակված էին դեկտեմբերին, ապա դրանք, ինչպես նշեց Կենտրոնական ընտրական հանձնաժողովի ղեկավարը, ստիպված կհետաձգվեն:
Ընդհանրապես ընտրությունների օրը հայտարարվում է դրանց անցկացումից 70 օր առաջ, սակայն ռազմական դրության կամ արտակարգ դրության դեպքում ընտրությունները չեն կարող ոչ անցկացվել, ոչ հայտարարվել:
«Այսպիսով, տեղական ինքնակառավարման մարմինների ընտրությունները կհետաձգվեն մինչեւ հաջորդ տարի, ամենայն հավանականությամբ` մարտ»,- ասաց Մուկուչյանը: