Նոյեմբերի վերջին Երկրի կողքով պոտենցիալ վտանգավոր աստերոիդ կթռնի, որի չափը 370-ից 820 մ է: Այս մասին նշված է NASA-ի մերձերկրային օբյեկտների հետազոտությունների կենտրոնի կայքում:
153201 աստերոիդը (2000 WO107) մեր մոլորակին կմոտենա նոյեմբերի 29-ին: Այս երկնային մարմնի եւ Երկրի միջեւ հեռավորությունը, ինչպես մանրամասնում է Space Reference-ը, վկայակոչելով NASA-ի տվյաները, ավելի քան 4 միլիոն կմ կլինի: Համեմատության համար նշենք, որ Լուսնի եւ Երկրի միջեւ հեռավորությունը 10 անգամ քիչ է: Աստերոիդը պոտենցիալ վտանգավոր է համարվում, քանի որ հատում է երկրագնդի ուղեծիրը, փոխանցում է ՌԲԿ-ն:
Սպեկտրալ անալիզը ցույց է տվել, որ աստերոիդը նիկել, երկաթ եւ կոբալտ է պարունակում: Asterank տվյալների բազայի գնահատմամբ` աստերոիդի հանքային ռեսուրսների արժեքը 17.4 միլիարդ դոլար է: Asterank-ը հնարավոր օգուտը հաշվարկում է աստերոիդների սպեկտրալ դասակարգման եւ դրանց չափերի հիման վրա:
Օգոստոսի վերջին NASA-ն նախազգուշացրել է Երկրի մագնիսական դաշտում անոմալիայի մասին Հարավային Ամերիկայի եւ Հարավային Ատլանտյան օվկիանոսի վրա: Այն կարող է անջատել համակարգիչները նավեր վրա եւ խոչընդոտել տեղեկատվության փոխանցմանն արբանյակներից: Որեւէ այլ տեսանելի ազդեցություն Երկրի առօրյա կյանքի վրա անոմալիան դեռ չունի:
