ՌԴ ԱԻՆ-ն անհրաժեշտության դեպքում Լեռնային Ղարաբաղ կուղարկի պայթուցիկ նյութեր վնասազերծող մասնագետներ չպայթած ռազմամթերքը վնասազերծելու համար, հայտարարել է նախարար Եվգենի Զինիչեւը, հաղորդում է ՌԻԱ Նովոստի-ն:
«Ներկայում Ռուսաստանի ԱԻՆ-ում ձեւավորվում է հավելյալ խմբավորում միջգերատեսչական հումանիտար կենտրոնի կազմում աշխատանքի համար: Դրա կազմում կլինեն փրկարարներ, հոգեբաններ, տեխնիկական անձնակազմ: Անհրաժեշտության դեպքում կուղարկվեն նաեւ պայթուցիկ նյութեր վնասազերծող մասնագետներ բնակավայրերում չպայթած ռազմամթերքը վնասազերծելու համար»,-ասել է Զինիչեւը Ռուսաստանի նախագահ Վլադիմիր Պուտինի հետ նիստի ժամանակ:
