News
Լրահոս
News
Երեքշաբթի
Մարտ 19
Տեսնել լրահոսը

Նոյեմբերի 9–ին ստորագրված եռակողմ հայտարարությամբ  հաստատված ժամանակացույցով Լաչինի շրջանը դեկտեմբերի 1-ին ադրբեջանական կողմին հանձնելու վերջնաժամկետից հաշված ժամեր առաջ դեռևս հստակ պաշտոնական տեղեկություն չկա, թե ինչ ճակատագիր է սպասվում Բերձոր քաղաքին։

«Այս երկու օրն ամեն ինչ կհստակեցվի, մանր տեխնիկական հարցեր կան, որ հստակ պատասխան չի կարող լինել քաղաքացիական բնակչության մասով»,– NEWS.am-ի հետ զրույցում ասաց Քաշաթաղի շրջանի վարչակազմի ղեկավարի ժամանակավոր պաշտոնակատար Մուշեղ Ալավերդյանը։

Նշենք, որ մի քանի օր է՝ ինչ բերձորցիները շտապում են հավաքում են իրենց իրերն ու հեռանում քաղաքից, որովհետեւ չգիտեն՝ ում վերահսկողության տակ է լինելու քաղաքը դեկտեմբերի 1-ից։ Բնակիչների շրջանում խոսակցություն կա, որ Բերձոր քաղաքի կառավարումը պետք է անցնի ադրբեջանցի քաղաքային նոր ղեկավարներին։ Պաշտոնական որեւէ հայտարարություն Բերձոր քաղաքի ճակատագրի վերաբերյալ դեռևս չի եղել։

Անցած շաբաթ բնակիչները NEWS.am-ի հետ զրույցում ասել էին, որ իրենց հրահանգել են դուրս գալ մինչեւ նոյեմբերի 30-ը, ժամը 18։00–ն։

Այնուամենայնիվ Մուշեղ Ալավերդյանը հստակ պատասխան չտվեց այդ լուրի առնչությամբ։

«Երբ իրավիճակը կայունաա, տեսնենք… մեկը ես՝ ապրում եմ, որոշումները կարծում եմ՝ կփոխվի, այս պահին կա նաեւ հակառակ իրավիճակ, երբ զանգում են, ասում են՝ մենք էլ գանք, ո՞նց անենք։ Կանխատեսումներ անել, հստակ ինֆորմացիա պահանջել մեկից, որն իր պոստը չի լքում, չի փախչում… տեսնենք՝ ինչպես կլինի»,- նշեց նա։

NEWS.am-ը զրուցեց նաեւ Բերձորի բնակիչ Լեւոն Մելիքյանի հետ, որն արդեն լքել էր քաղաքն ու ուղեւորվում էր դեպի Աշտարակ։

«Այնտեղ լավ վիճակ չկար, ու լավ վիճակ չէր էլ կարող լինել։ Հարեւաններից էլ էլ մարդ չի մնացել։ Տղաս այնտեղ է մնացել։ Բնակչության մոտ 90 տոկոսն արդեն դուրս է եկել քաղաքից։ Պլանավորված է, որ ժամը 18։00-ին պիտի ադրբեջանական կողմը մուտք գործի Բերձոր։ Թե արդեն ոնց կլինի շարունակությունը, ոչ մեկ ոչինչ չի կարող ասել, նախագահից սկսած»,- պատմեց Բերձորի բնակիչը։

Հիշեցնենք, որ Լաչինի միջանցքը (5 կմ լայնությամբ), որն ապահովելու է Լեռնային Ղարաբաղի կապը Հայաստանի հետ, ընդորում շրջանցելով Շուշի քաղաքը, մնում է Ռուսաստանի Դաշնության խաղաղապահ զորակազմի վերահսկողության ներքո:

Տպել
Կարդացեք նաև
Ամբողջը
Թուրքիան 2020-ի Ադրբեջանի ագրեսիան անվանել է «հնարավորություն» խաղաղության և կայունության համար
Նրա խոսքով, կողմերը պայմանավորվել են խորացնել Թուրքիայի հաջող համագործակցությունը Ադրբեջանի և...
Երևանի և Բաքվի միջև միմյանց դեմ միջազգային դատական ​​հայցերը հետ կանչելու համաձայնություն չկա. Միրզոյան
Քննարկվում են տարբեր տարբերակներ...
Դպրոցներ կային՝ մեզ ագրեսիվ դիմավորեցին, մի տեղ ասացին՝ կարող ա դուք մուսուլման եք. զոհվածի հայր
Մենք 7 հոգանոց տարբեր խմբեր էինք կազմել, որպեսզի այցելենք դպրոցներ, սակայն…
Այս պահի դրությամբ 23 մարդ դեռեւս պահվում է անազատության մեջ Բաքվում. Արարատ Միրզոյան
2023 թվականի հենց առաջին օրից մենք արդեն ունենինք շատ կոնկրետ իրավիճակ՝...
«Փաշինյանը 2018–ին խոստացել էր վերադարձնել տարածքները».Ալիև
«Բայց, ցավոք, 2019-ին Հայաստանի նոր ղեկավարությունը բացարձակապես անընդունելի առաջարկներ արեց»․․․
Զոհված զինծառայողների ընտանիքները փոխնակ մոր ծառայությունից կարող են օգտվել նաև 2-րդ անգամ, եթե ընտանիքում կա 2 զոհված
Կառավարությունն իր այսօրվա՝ մարտի 14-ի նիստում ընդլայնեց զոհված...
Ամենաշատ