Ես արցախյան երեք պատերազմին էլ մասնակցել եմ, այսօր այո, պարտվել ենք, բայց թուրքի ոտքը Գորիս չի մտնի: NEWS.am-ի հետ զրույցում նշեց Գորիսի բնակիչներից մեկը:
«Տարիներ շարունակ Սյունիքը միշտ էլ սահմանապահ է եղել: Ճիշտ է վերջին 0 տարին Սյունիքի հոգսը թեթեւացել էր Արցախի կողմից, քանի որ սահմանային խնդիր չունեինք, նորից ունենք, նորից սյունեցին կկանգնի եւ մեր տղերքը չեն թողնի, որ մենք պրոբլեմ ունենանք:
Եթե ազգովի նորմալ կանգնենք, մեկս մեկին սիրենք, ընդունենք, չփնտրենք մարդու մեջ վատը, այդ էդ ժամանակ ամեն ինչ լավ կլինի: Ժողովրդական խոսքն ասում է՝ հարսի մեջ փնտրիր լավը, որ աչքիդ լավ երեւա, եթե վատը նկատեցիր, աչիքցդ կընկնի»,-ասաց նա:
Մեկ այլ գորիսեցի էլ նշեց. «Նեղված չենք ընդհանրապես, սահմանին կանգնած մեր տղերքը նույնիսկ հիմա ավելի շատին են պատրաստ: Այսօր արդեն ջոկված տղերքն են այնտեղ կանգնած ու շատ: Այս պահին կոնկրետ հրաման լինի, պատրաստ են ամեն ինչի»:
Սյունիքի մարզի ԵԿՄ-ի փոխնախագահն է ընդգծեց. «Սահմանը պահում ենք, խնդիր չկա, տղաները գալիս են անշահախնդիր, մարտական հերթապահություն են իրականացնում դիրքերում: Ոնց որ Նժդեհն է պահել Սյունիքը, եմքն էլ որպես իր սանիկներ պահելու ենք մեր Սյունիքը»:
