Nissan Armada-ի թարմացումը տեխնիկայում որեւէ փոփոխություն չի կատարել, սակայն մոտ ապագայում մեքենան կարող է ստանալ իննաստիճան փոխանցման տուփ, գրում է Մոտոր-ը:
Ռեսթայլինգից հետո Nissan Armada-ն կշարունակի աշխատել Endurance ընտանիքի 5.6-լիտրանոց V8 շարժչով, որի հզորությունը փոքր-ինչ ավելացել է. այժմ այն ունի 406 ձիաուժ (+11 ձիաուժ) եւ 560 Нм (+26 Нм): Փոխանցման տուփը մնացել է անփոփոխ, որը 7-աստիճանի ավտոմատ է: Մեքենան ունի հետեւի եւ ամբողջական քարշակ:
Ինչպես Motor Trend պարբերականին տված հարցազրույցում պատմել է Nissan-ի պլանավորման մենեջեր Բրենթ Հագանը, ապագայում Armada-ն, այնուամենայնիվ, կստանա եւս երկու փոխանցում. ամենագնացի հետ փոխանցման տուփը կկիսի Titan պիկապը: Սակայն դեռեւս հայտնի չէ, թե երբ դա տեղի կունենա: Իսկ այժմ Armada-ի ամենանկատելի փոփոխությունը դարձել է դիմային մասի ձեւավորումը՝ 70 լուսադիոդով լամպեր յուրաքանչյուր բլոկում եւ քրոմապատ շերտ բեռնախցիկի դռան վրա: