Իրանը 48 մարդու է մեղադրել լեգենդար գեներալ Ղասեմ Սուլեյմանիի սպանությանը ներգրավված լինելու մեջ: Այս մասին հայտարարել է Իրանի դատական համակարգի մարդու իրավունքների հարցերի գերագույն խորհրդի ղեկավար Ալի Բաղերի-Քանին, հաղորդում է Mehr-ը:
«Մենք հայտնաբերել ենք 48 կասկածյալի, որոնք կապ ունեն Սուլեյմանիի սպանության հետ, եւ մենք անհրաժեշտ միջոցներ ենք կիրառել նրանց դատական հետապնդման համար: Երկրներ, որոնք որեւէ կերպ ներգրավված են այդ ահաբեկչական գործողությանը, հարցում է ուղարկվել տեղեկատվության եւ փաստաթղթերի տրամադրման մասին: Գերմանիան վերջին երկիրն է եղել, մենք տվյալներ ենք ստացել այն մասին, որ Գերմանիայում ԱՄՆ-ի ռազմաբազան մասնակցել է ամերիկական անօդաչուների մասին տեղեկատվության փոխանակմանը, որոնք օգտագործվել են Սուլեյմանիի սպանության համար»,-ասել է նա:
Նա Բեռլինի կոչ է արել համագործակցել Իրանի դատական իշխանության հետ, որպեսզի այդպիսով օգնի պարզել այդ գործի շուրջ անորոշությունը:
Գեներալ Սուլեյմանին սպանվել է 2020-ի հունվարի 3-ին Բաղդադի օդանավակայանից ոչ հեռու ավիահարվածի հետեւանքով: Նրա սպանության մասին հրաման է արձակել ԱՄՆ նախագահ Դոնալդ Թրամփը:
