Գերմանիան ընտրել է իշխող «Քրիստոնեադեմոկրատական միություն» կուսակցության նոր ղեկավարին՝ 59-ամյա Արմին Լաշետին, հայտնում է DW-ն:
Լաշետը կուսակցության ղեկավար է ընտրվել 521 ձայնով: Նրա մրցակիցը Ֆրիդրիխ Մերցն էր, որը հավաքել է 466 ձայն:
Իշխող կուսակցության նախագահի բոլոր երեք թեկնածուներից Լաշետը, ով 2017 թվականից զբաղեցնում է Գերմանիայի ամենախիտ բնակեցված Հյուսիսային Ռեյն-Վեստֆալիա դաշնային նահանգի վարչապետի պաշտոնը, ամենաշատն է կողմ արտահայտվում Գերմանիայի կանցլեր Անգելա Մերկելի եւ «Քրիստոնեադեմոկրատական միության» ընթացքը շարունակելուն:
2012 թվականից Լաշետը ՔԴՄ հինգ փոխնախագահներից մեկն է: Ռեյնի մարզից կաթոլիկը միշտ եղել է նշված կուսակցության նախագահի հուսալի գործընկերը: