Facebook-ը տեղական լրատվական արտադրանքի համար կոնտենտի տրամադրման համաձայնագրեր է ստորագրել գերմանական լրատվամիջոցների հետ, սակայն երկրի ամենավաճառվող թերթի հրատարակիչը հայտարարել է, որ չի մասնակցի գործարքին, որի պայմանները նա ծիծաղելի անվանել, հաղորդում է AP-ն:
«Facebook News-ը, որը նկարագրվում է որպես «լրագրողական կոնտենտի մասնագիտացած վայր», կներառի Die Zeit եւ Der Spiegel շաբաթաթերթերի, ինչպես նաեւ Frankfurter Allgemeine Zeitung, Handelsblatt եւ Tagesspiegel օրաթերթերի լուսաբանումները:
Սակայն Axel Springer հրատարակիչը, որ աջակցություն է ստանում Bild տաբլոիդը եւ պահպանողական Die Welt թերթը թողարկող KKR մասնավոր բաժնետիրական ընկերության կողմից, հայտարարել է, որ չի միանա գործարքին: «Որոշ հարթակների փորձերը, որոնք մի կողմից՝ ներկայանում են որպես զանգվածային լրատվամիջոց, իսկ մյուս կողմից՝ հրատարակիչներին ստիպում են կոնտենտ տրամադրել ոչ համարժեք վարձատրության դիմաց, խնդրահարույց են»,- ասել է ընկերության ներկայացուցիչը:
Axel Springer-ը հայտարարել է, որ նախընտրում է ապավինել հեղինակային իրավունքի եվրոպական կանոններին, որոնք բոլոր հրատարակիչներին թույլ են տալիս վարձատրության համապատասխան բաժին ստանալ: