Հայաստանի երկրորդ նախագահ Ռոբերտ Քոչարյանի եւ մյուսների դատավարության նկատմամբ քաղաքական ճնշումն ակնհայտ է: Այս մասին լրագրողների հետ զրույցում ասաց նախկին նախագահի փաստաբան Արամ Վարդեւանյանը:
Մեկնաբանելով մեղադրող կողմի մեղադրանքները, թե պաշտպանական կողմը ձգձգում է գործընթացի նախնական փուլը, փաստաբանն արձանագրեց, որ ի սկզբանե գործը ծավալուն նախնական փուլի էր դատապարտված, ինչի համար կարելի է «շնորհակալություն հայտնել» դատախազությանը եւ ՀՔԾ-ին. Խախտումների այդքան մեծ քանակություն` մի կողմից եւ դատախազների եւ դատավորների կողմից մերժման հիմնավորումների այդքան մեծ քանակություն` մյուս: Բացի այդ, կա չորս մեղադրյալ, բոլորն էլ փաստաբաններ ունեն, որոնք պարտավոր են կատարել պաշտպանության գործառույթները: «Բոլոր միջնորդությունները ներկայացվել են նոր հիմքերով: Թող դատարանն ու դատախազներն իրենց պահեն այնպես, որպեսզի հիմքեր չտան: Դատավորը նույնիսկ չէր քննի միջնորդությունները, եթե դրանք նույն հիմքերով լինեին: Միջնորդությունների համար բոլոր հիմքերը տալիս են մեր ընդդիմախոսները»,- նշեց Արամ Վարդեւանյանը:
Միեւնույն ժամանակ նա շեշտեց շարունակվող քաղաքական միջամտությունը գործընթացին: «Դա փաստ է: Բոլորը տեսան, թե ինչպես են վարչապետի աթոռը զբաղեցնողը եւ պատգամավորն իշխանությունից Հանրապետության հրապարակից փորձեցին ճնշում գործադրել դատարանի վրա: Որտե՞ղ եք տեսել նման բան: Ինչո՞ւ դատախազները չեն խոսում այդ մասին»,- հայտարարեց փաստաբանը: Ընդ որում, նա ենթադրեց, որ իշխանություններն ամեն կերպ փորձում են կանխել ռազմական դրության չեղարկումը` վարչապետի պաշտոնանկությունը թույլ չտալու համար:
Խոսելով կոնկրետ դատախազ Գեւորգ Բաղդասարյանի եւ քաղաքական պատվերի կատարման մասին` փաստաբանը նշեց, որ մամուլում տեղեկություններ կան Բաղդասարյանի` կառավարության պատգամավոր Վլադիմիր Վարդանյանի հետ կիրակի օրը Ծաղկաձորում հանդիպման մասին: Դատախազությունը հաստատել է հրապարակումները ԶԼՄ-ներում` նշելով, որ իրենք «սեմինարի են մասնակցել»: «Գեւորգ Բաղդասարյանը հայտարարել է, որ մտադիր է նոր միջնորդություն ներկայացնել («պաշտպանության կողմից իր իրավունքների չարաշահման վերաբերյալ): Կլսենք նոր անհիմն միջնորդությունը: Այնուհետեւ ես կներկայացնեմ իմ միջնորդությունը»,- եզրափակեց Արամ Վարդեւանյանը:
