Facebook-ի գործադիր տնօրեն Մարկ Ցուկերբերգը շարադրել է ինտերնետի կանոնները բարեփոխելու քայլերը՝ հայտարարելով, որ ընկերությունները պետք է անձեռնմխելի լինեն պատասխանատվության հանդեպ միայն այն դեպքում, եթե հետեւեն իրենց ծրագրերից վնասակար բովանդակությունը հեռացնելու լավագույն փորձերին, հաղորդում է AP-ն:
Ներկայացուցիչների պալատի էներգետիկայի եւ առեւտրի ենթահանձնաժողովների առջեւ լսումների համար նախապատրաստած ցուցմունքներում Ցուկերբերգը հաստատել է «Կապի ոլորտում կարգապահության մասին» օրենքի 230-րդ բաժնում փոփոխություններ կատարելու կոչը, որը օգտագործողի կողմից տեղադրված բովանդակության համար պատասխանատվության անձեռնմխելիություն է տրամադրում այնպիսի ընկերությունների, ինչպիսին Facebook-ն է:
Facebook-ը, ինչպես նաեւ Twitter-ը եւ Google Alphabet-ը, որոնց գլխավոր տնօրեններ Ջեք Դորսին եւ Սունդար Պիչայը վկայություններ կտան, քննադատվել են դեմոկրատների կողմից՝ կորոնավիրուսի համավարակի եւ 2016 եւ 2020 թվականների նախագահական ընտրությունների վերաբերյալ ապատեղեկատվության համար:
«Մենք կարծում ենք, որ Կոնգրեսը պետք է քննարկի հարթակների միջնորդ պատասխանատվությունը որոշակի տեսակի անօրինական կոնտենտի համար` կախված այդ բովանդակության տարածման դեմ պայքարի լավագույն փորձի տրամադրման ընկերությունների հնարավորությունից»,- ասել է Ցուկերբերգը: «Հարթակները չպետք է պատասխանատվություն կրեն, եթե բովանդակության որոշակի հատված խուսափում է հայտնաբերվելուց, դա անիրագործելի կլիներ օրական միլիարդավոր գրառումներով հարթակների համար»,- գրել է նա:
