Ադրբեջանի նախագահ Իլհամ Ալիեւը կարծում է, որ ղարաբաղյան կարգավորման հարցով ԵԱՀԿ Մինսկի խմբի գործունեության արդյունքները «հավասար են զրոյի»։
Նրա խոսքով՝ չնայած ԵԱՀԿ Մինսկի խումբը գործեց 28 տարի, «արդյունք չեղավ»: «Մինսկի խմբի գործունեության արդյունքները հավասար էին զրոյի: Այն դեպքում, որ Մինսկի խմբի համանախագահող երկրները աշխարհի առաջատար պետություններ են, միջուկային տերություններ, ՄԱԿ Անվտանգության խորհրդի մշտական անդամներ: Իհարկե, եթե օկուպացիայի պատճառով լուրջ ճնշում գործադրվեր Հայաստանի վրա եւ կիրառվեին պատժամիջոցներ՝ հաշվի առնելով Ադրբեջանի պահանջները, ապա այդ հարցը կարող էր վաղուց գտնել իր լուծումը խաղաղ ճանապարհով: Ցավոք, դա տեղի չունեցավ: Ընդհակառակը, քայլեր էին ձեռնարկվել հարցը սառեցնելու ուղղությամբ»,- ասել է նա՝ ելույթ ունենալով թյուրքալեզու պետությունների համագործակցության խորհրդի գագաթաժողովում: