Ուկրաինային հարկ է Ռուսաստանի հետ ռազմական առճակատման սրման սպասել: Այս մասին LB.ua- ին տված հարցազրույցում ասել է նախագահական գրասենյակի ղեկավարի տեղակալ Իգոր Ժովկվան:
Միեւնույն ժամանակ, նա նշել է, որ այժմ երկրի նախագահը մշտական բանակցություններ է վարում արտասահմանյան գործընկերների հետ սրման շուրջ եւ անընդհատ նրանց տեղեկացնում է իրավիճակի մասին: «Ցավոք, հարկ է (ակնկալենք ռազմական առճակատման սրացում): Եվ այս տեղեկությունները, այսպես ասենք, առկա է ուկրաինական համապատասխան կառույցներում: Մեր աշխատանքում մենք նույնպես օգտվում ենք դրանց տեղեկատվությունից եւ ահսցնում ենք այն մեր գործընկերներին:
Մասնավորապես, Ուկրաինայի սահմանների մոտ իրավիճակի սրումից հետո նախագահ Զելենսկին արդեն հեռախոսազրույցներ է ունեցել ԱՄՆ նախագահ Ջոզեֆ Բայդենի, Մեծ Բրիտանիայի վարչապետ Բորիս Ջոնսոնի, ՆԱՏՕ-ի գլխավոր քարտուղար Յենս Ստոլտենբերգի, Կանադայի վարչապետ Ջասթին Թրյուդոյի հետ: Զելենսկին ոչ միայն տվյալներ է փոխանակել այս առաջնորդներից յուրաքանչյուրի հետ, այլ նաեւ աջակցության հստակ եւ ժամանակին ազդանշաններ է ստացել»,- ասել է Իգոր Ժովկվան:
Միեւնույն ժամանակ, ինչպես նշել է Ժովկվան, աշխարհն այժմ թույլ չի տա Ռուսաստանին լայնամասշտաբ պատերազմ սկսել Ուկրաինայի տարածքում, ինչպես դա տեղի ունեցավ Վրաստանի հետ 2008 թվականին: «Այդ ժամանակ աշխարհը «քնած մնաց»: Այժմ Ուկրաինայի մարտական պատրաստվածության վիճակը եւ մեր գործընկերների քաղաքական պատրաստվածության մակարդակն ավելի լավն են, քան 2014-ին»,- կարծիք է հայտնել դիվանագետը:
