Թուրքիան Ուկրաինայի հավատարիմ գործընկերն ու բարեկամն է: Այս մասին հայտարարել է Ուկրաինայի արտգործնախարար Դմիտրի Կուլեբան՝ նշելով, որ Ուկրաինայի նախագահ Վլադիմիր Զելենսկիի այցը Ստամբուլ կարեւոր է երկու երկրների ռազմավարական գործընկերության զարգացման համար:
«Շատ կարեւոր է, որ այցը տեղի է ունենում Դոնբասում եւ Ղրիմում իրավիճակի սրման ֆոնին: Դա եւս մեկ հնարավորություն է համոզվել է, որ մենք միաբան ենք Թուրքիայի հետ»,-ասել է նա, փոխանցում է «Ուկրինֆորմ»-ը:
Նրա խոսքով՝ երկու երկրների ռազմավարական գործընկերությունն ուղղված չէ այլ երկրների դեմ: «Ռուսաստանի համար շահավետ չէ Ուկրաինայի եւ Թուրքիայի միջեւ գործընկերությունը: Այդ գործընկերությունն ուղղված չէ որեւէ մեկի դեմ: Դրա նպատակն է մեր ժողովուրդների բարգավաճումը»,-նշել է նա:
