Ղրղզստանը եւ Տաջիկստանը պայմանավորվել են լիարժեք հրադադարի շուրջ, հաղորդում է ՌԻԱ Նովոստին:
Այս մասին հատարարել է Ղրղզստանի ազգային անվտանգության պետական կոմիտեի ղեկավարը:
«Մեր ժողովուրդները ծանր պահ են ապրում: Մեր երկու երկրների համար ողբերգություն է տեղի ունեցել: Մեզ համար դժվար է աշխատանքներ իրականացնել, սակայն մեր պետությունների ղեկավարների հանձնարարությամբ որոշում ենք կայացրել հրաձգությունը դադարեցնելու եւ զորքերը դուրսբերելու շուրջ»,-ասել է նա:
Ավելի վաղ ՀԱՊԿ գլխավոր քարտուղար Ստանիսլավ Զասը Տաջիկստանին եւ Ղրղզստանին օգնություն է առաջարկել սահմանին իրավիճակը լուծելու համար: Նա նշել է, որ կոնֆլիկտը պետք է լուծել բանակցությունների սեղանի շուրջ բացառապես խաղաղ ճանապարհով: