NASA-ի «Perseverance» մարսագնացը ստացել է առաջին թթվածինը Կարմիր մոլորակում:
Այդ հաջողությունը գրանցվել է MOXIE սարքի միջոցով ածխաթթու գազը թթվածնի վերածելու եղանակով, եւ որը հնարավոր է դարձնում մարդու կողմից Կարմիր մոլորակի հետագա ուսումնասիրությունը:
«Դա Մարս մոլորակի վրա ածխաթթու գազը թթվածնի վերածելու ուղղությամբ կարեւորագույն քայլ է»,-ասել է STMD ադմինիստրատորի օգնական Ջիմ Ռեյթերը: «MOXIE-ն կատարելագործվելու տեղ ունի, սակայն այդ տեխնոլոգիայի կիրառումը խոստումնալից է, քանի որ մենք մոտենում ենք մեր նպատակին՝ մի օր մարդկանց տեսնել Մարսի վրա: Թթվածինը միայն օդ չէ, որը մենք շնչում ենք: Հրթիռային վառելիքը կախված է թթվածնից, եւ ապագա հետազոտողները կախված կլինեն Մարսի վրա վառելիքի արտադրությունից տուն վերադառնալու համար»,-հայտարարել է Ռեյթերը:
Երկու ժամ տեւողությամբ տաքացումից հետո MOXIE-ն սկսել է արտադրել թթածին ժամում 6 գրամ արագությամբ: Արագությունը կրկնակի նվազեցվել է աշխատանքային ցիկլի ժամանակ սարքի աշխատունակությունը գնահատելու համար: Մեկ ժամ աշխատելուց հետո արտադրված թթվածնի քանակը կազմել է շուրջ 6,4 գրամ, ինչը բավական է, որպեսզի տիեզերագնացը մնա առողջ միջին ակտիվության շուրջ 10 րոպեի ընթացքում:
Հրթիռային վառելիքի համար շատ ավելի մեծ քանակությամբ թթվածնի կարիք կա: Մարսի մակերեւույթին չորս տիեզերագնաց իջեցնելու համար անհրաժեշտ է շուրջ 7 տոննա հրթիռային վառելիք եւ 25 տոննա թթվածին, մինչդեռ Մարսի վրա ապրող եւ աշխատող տիեզերագնացներին շնչելու համար անհրաժեշտ է շատ ավելի քիչ թթվածին: Տիեզերագնացները, որոնք մակերեւույթին մեկ տարի կանցկացնեն, հնարավոր է, կօգտագործեն մեկ մետրիկական տոննա միասին:
Երկրից դեպի Մարս 25 տոննա թթվածնի տեղափոխումը բարդ խնդիր կլինի: Թթվածնի արտադրության ցիկլերը կազմված կլինեն երեք փուլերից: Առաջին փուլում կստուգվի եւ կբնութագրվի սարքի գործառույթը, երկրորդում՝ սարքը կաշխատի մթնոլորտային պայմաններում, օրինակ, օրվա տարբեր ժամերին կամ տարվա տարբեր եղանակներին: Երրորդ փուլում սահմանները կընդլայնվեն, կփորձարկվեն աշխատանքի նոր ռեժիմներ, նշված է Mars Exploration programm-ի հաղորդագրության մեջ: