Առնվազն 15 մարդ է զոհվել, 70-ը վիրավորվել են մետրոկամրջի փլուզումից, որի վրայով գնացք էր անցնում դեպի Մեխիկո:
El Universal թերթի փոխանցմամբ՝ միջադեպը տեղի է ունեցել երկուշաբթի՝ տեղական ժամանակով 22:25-ին: Մեխիկոյի գլխավոր դատախազության գրասենյակը Twitter-ի իր էջին հայտնել է, որ դեպքի վայր մասնագետներ են ուղարկվել՝ տուժածներին օգնելու համար:
Ավելի վաղ El Pais թերթը, վկայակոչելով տեղական իշխանություններին, հայտնել էր, որ միջադեպը տեղի է ունեցել գնացքի՝ «Օլիվոս» կայարանից «Տեսոնկո» ընթանալիս:
