Մեխիկոյում մետրոկամրջի՝ գնացքով ընկնելու պահը հայտնվել է համացանցում: Միջադեպի կադրերը, որի արդյունքում զոհվել է 20 մարդ, հրապարակվել են Twitter-ի Diario 24 Horas էջին, փոխանցում է «Գազետա»-ն:
Ըստ վերջին տվյալների՝ հաստատվել է 20 մարդու մահը, 49 տուժած տեղափոխվել է հիվանդանոցներ, հայտնում է Milenio-ն:
Համացանցում տեղադրված կադրերը նկարահանվել են գաղտնի տեսահսկման տեսախցիկով: Դրանցում կարելի է տեսնել, թե ինչպես է գնացքն ընկնում կամրջի տակով ընթացող ավտոմեքենաների վրա:
Փլուզումը տեղի էր ունեցել մայիսի 4-ին՝ Մոսկվայի ժամանակով ժամը 06:25-ին, Մեխիկոյի հարավ-արեւելքում, «Օլիվոս» եւ «Տեսոնկո» կայարաններից ոչ հեռու: Արտակարգ իրավիճակների ծառայությունները վթարի վայրում են, վթարի պատճառները պարզվում են:
Զոհերի թվում անչափահասներ կան: Մեխիկոյի քաղաքապետ Կլաուդիա Շեյնբաումը նաեւ հավելել է, որ մետրոյի կամրջի փլուզման հետեւանքով յոթ տուժածների վիճակը ծանր է:
#ULTIMAHORA
— @diario24horas (@diario24horas) May 4, 2021
Este es el escalofriante momento en el que se quiebra la estructura del #MetroCDMX en la estación Olivos de la Línea 12.https://t.co/6z8bRGGxiu pic.twitter.com/PgzUgKtgEU