Խոշտանգումներն ու դաժան վերաբերմունքը գերիների նկատմամբ, որոնք դրսեւորվել են Ղարաբաղում վերջին պատերազմի ընթացքում ադրբեջանական կողմից, ոչ միայն առանձին վերցված մարդկանց հանցավոր գործողություններն են, այլեւ՝ Ադրբեջանի միասնական պետական քաղաքականության մաս: Այս մասին Հայաստանի Ազգային ժողովի նիստին հանրապետության օմբուդսմենի գրասենյակի կողմից 2020 թվականին կատարված աշխատանքների տարեկան հաշվետվության քննարկման ժամանակ ասաց ՀՀ մարդու իրավունքների պաշտպան Արման Թաթոյանը:
Նրա խոսքով՝ պատերազմի ընթացքում, արգելված տեսակի զենքի եւ զինամթերքի օգտագործումից, վարձկանների ներգրավումից, խոշտանգումներից եւ տարբեր տեսակի դաժանությունների կիրառումից բացի, եւս մի լուրջ խնդիր սրվեց՝ Ադրբեջանում ատելության եւ թշնամանքի քարոզը, որն այսօր կարելի է համեմատել միայն ֆաշիզմի հետ:
