News
Լրահոս
News
Չորեքշաբթի
Հունիս 23
Տեսնել լրահոսը

Իսլամական համագործակցության կազմակերպության անդամները տարածել են իրավիճակի էսկալացիայի կապակցությամբ հայտարարություն եւ պահանջել Իսրայելից անհապաղ եւ ամբողջովին դադարեցնել հարձակումները պաղեստինցիների եւ նրանց սեփականության վրա, գրում է ՌԻԱ Նովոստի-ն:

«Վճռականորեն դատապարտում են բարբարոսական հարձակումները, որոնք կազմակերպում է Իսրայելը, պաղեստինյան տարածքներում օկուպացիոն իշխանությունն ընդդդեմ Պաղեստինի ժողովրդի, նրա հողերի եւ սրբատեղիների, պահանջում ենք անհապաղ եւ ամբողջովին դադարել բոլոր հարձակումները, որոնց ենթարկվում են քաղաքացիական պաղեստինցիներն եւ նրանց սեփականությունը, ինչն իրենից ներկայացնում է միջազգային իրավունքի եւ Պաղեստինի նկատմամբ ՄԱԿ-ի որոշումների լուրջ խախտում»,-նշել են հանդիպման մասնակիցները:

Նրանք ներկայիս էսկալացիայի ամբողջ պատասխանատվությունը վերագրել են Իսրայելին: Հանդիպման մասնակիցները հայտարարել են, որ համաձայն պատմական վկայությունների՝ Իսրայելն օկուպացրել է հողերը, որոնց վրա նրանք գտնվում են, չունի որեւէ օրինական իրավունք օկուպացված պաղեստինյան տարածքների, այդ թվում՝ Արեւելյան Երուսաղեմի եւ Ալ Աքսա մզկիթի վրա:

Նրանք կոչ են արել ներգրավել միջազգային դատական համակարգն ու ՄԱԿ-ի դատարանները Իսրայելի նկատմամբ դատավարության համար, որպեսզի ստիպեն նրան վճարել պաղեստինցիներին, նրանց հասարակական եւ մասնավոր սեփականությանը հասցված վնասի հատուցում:

!
Այս նյութը հասանելի է նաև   Русский
Տպել