Մայիսի 24-ին Լապլանդիայում կմեկնարկեն այս տարվա ամենախոշոր Northen forest շվեդ-ֆիննական ցամաքային զորավարժությունները: Ըստ ֆիննական տեղեկատվական Yle պորտալի՝ դրանք կտեւեն երեք շաբաթ եւ կներգրավեն 7000 զինծառայողի:
Նշվում է, որ շվեդ զինվորականները նախապես ժամանել են Ֆինլանդիա՝ կարանտին անցնելու համար
Ինչպես նշվում է Սուոմիի պաշտպանության նախարարությունում, այս զորավարժություններն անցկացվում են Ֆինլանդիայի եւ Շվեդիայի միջեւ համագործակցության ռազմական-ռազմավարական հայեցակարգի շրջանակներում: Վերջին տարիներին երկու պետություններն էլ նշում են այս տեսակի փոխգործակցության առանձնահատուկ կարեւորությունը եւ ձգտում են խորացնել ռազմական համագործակցությունը: