Համաշխարհային առեւտրի աճը 2021թ. ակնկալվում է 16 տոկոսի մակարդակով՝ նախորդ տարվա համեմատ։ Այսպիսի կանխատեսում է արված ՄԱԿ Առեւտրի եւ զարգացման կոնֆերանսի (UNCTD) զեկույցում, տեղեկացնում է ՏԱՍՍ-ը։
«2021թ. երկրորդ կեսին սպասվում է առեւտրի զգալի աճ. կանխատեսումների համաձայն՝ այն կկազմի մոտ 16 տոկոս 2020թ. ամենացածր կետի համեմատ», այդ թվում՝ ապրանքների առեւտրի աճ 19 տոկոսով, սպասարկումների՝ 8 տոկոսով, նշել են փորձագետները։
Ընդգծվում է, որ չնայած «տնտեսական ցնցումներին COVID-19-ի պատճառով՝ համաշխարհային առեւտուրը ընդհանուր առմամբ լավ է ընթացել 2020թ.»։ Այս արդյունքն զգալի չափով ապահովվել է «Արեւելյան Ասիայի տնտեսությունների կայունությամբ», որոնք արագ հաջողության հասան համավարակի դեմ պայքարում եւ շնորհիվ դրա «կապիտալացրին» այն արտադրանքի պահանջարկի աճը, որն առնչվում էր COVID-19-ի հետ կապված միջոցառումներին։
2021թ. առաջին եռամսյակում համաշխարհային առեւտրի աճը տարեկան կտրվածքով կազմել է մոտ 10 տոկոս։ Արդյունքում՝ 3 տոկոսով գերազանցվել են նաեւ 2019թ. առաջին եռամսյակի ցուցանիշները։ 2021թ. առաջին երեք ամիսներին գլոբալ առեւտրում նկատվող թռիչքը պայմանավորված էր Արեւելյան Ասիայի երկրներում արտահանման ծավալների էական ավելացմամբ։ Չինաստանը, Հնդկաստանը եւ Հարավաֆրիկյան Հանրապետությունը ավելի բարձր արդյունքների են հասել, քան այլ խոշոր տնտեսություններ, ասվում է զեկույցում։