ԱՄՆ-ին հաջողվել է համոզել Իսրայելին ցամաքային օպերացիա չսկսել Գազայի հատվածում, պնդում է Politico-ն՝ վկայակոչելով ԱՄՆ նախագահի աշխատակազմի իր աղբյուրը:
Սպիտակ տան կարծիքով՝ Իսրայելի եւ Պաղեստինի միջեւ մահացու վտանգավոր հակամարտությունից, որը սպառնում էր լայնածավալ ռազմական գործողությունների վերաճել, հաջողվել է խուսափել հրեական պետության վարչապետ Բենիամին Նեթանյահուի հետ փակ բանակցությունների շնորհիվ, փոխանցում է ՏԱՍՍ-ը:
Բացի այդ, Բայդենի վարչակազմը հույս ունի շարունակել եւ ընդլայնել Եգիպտոսի երկխոսությունը հակամարտության երկու կողմերի հետ:
Ավելի վաղ ԱՄՆ նախագահ Ջո Բայդենը Նեթանյահուի հետ բանակցությունների ընթացքում կողմ էր հանդես եկել հրադադարի ռեժիմին. ամերիկացի առաջնորդն «ուժեղ աջակցություն էր հայտնել Իսրայելի՝չընտրողական հրթիռային հարձակումներից ինքնապաշտպանության իրավունքին»:
Դրանից առաջ ՄԱԿ-ն ԱՄՆ-ի պատճառով երրորդ անգամ չէր կարողացել համաձայնեցնել հայտարարությունն Իսրայելի ու Պաղեստինի միջեւ:
Մայիսի 11-ի երեկոյան պաղեստինյան անկլավի սահմաններում սկսվել էր վերջին տարիների ամենամեծ սրացումը: Իսրայելի բանակը եւ պաղեստինյան խմբավորումները Գազայի հատվածում շարունակում են փոխանակվել հրթիռային հարձակումներով Արեւելյան Երուսաղեմի Ալ-Աքսա մզկիթում տեղի ունեցած անկարգություններից հետո, որոնք սկսվել էին Իսրայելի դատարանի կողմից արան ընտանիքներից Շեյխ Ջարրահ թաղամասում տների առգրավման որոշման կապակցությամբ:
Պաղեստինի իշխանությունների տվյալներով՝ զոհերի թիվը գերազանցել է 100-ը: Իսրայելում հայտարարել են, որ զոհվել է 11 մարդ, այդ թվում՝մեկ զինվորական: Իսրայելում զոհերի թիվն ավելի քան 500 մարդ է գնահատվել: