Այո, կա ապագա, բայց այդ ապագան մեզ չեն նվիրում, այդ ապագան մենք պետք է ստեղծենք մեր ձեռքով: Այս մասին, այսօր՝ հունիսի 5-ին, «Քաղաքացիական պայմանագիր» կուսակցության կազմակերպած դրամահավաք-երեկոյի ժամանակ իր ելույթում նշեց ջազմեն-երաժիշտ Վահագն Հայրապետյանը:
«Եթե բան պետք է ստեղծենք, ուրեմն լիքը բան մեր մեջ պետք է փոխենք, եթե ուզում ենք առաջ գնալ: Շատ վտանգավոր է միայն անցյալով հպարտացող ու անցյալով ապրող շարունակությունը: Այո, անցյալը չենք մոռանում, բայց դասեր էլ պետք է քաղենք: Մենք պատմությունը սովորում ենք, բայց պատմությունից չենք սովորում: Հենց սկսենք պատմությունից սովորել, կշարժվենք առաջ:
Եթե ուզում ենք մեր նահատակ զինվորների հիշատակը պահենք, պետք է շարունակենք ապրել, որ չստացվի, որ իզուր տեղը զոհվեցին: Իզուր տեղը կլինի, եթե մենք իզուր տեղը ապրենք: Դրա համար պետք է մի բան ստեղծենք: Երիտասարդների համար մի պլատֆորմ, որ հաջորդ սերունդը սովորեռլու բան ունենա, մենք էլ իրենցից սովորենք: Մենք պետք է սովորենք ոչ միայն այն, թե ինչ պետք է անել, այլ ինչ պետք է չանել»,-ասաց նա:
