News
Լրահոս
News
Շաբաթ
Հուլիս 31
Տեսնել լրահոսը

Պետք է վերականգնել արտաքին գործերի նախարարությունը, որը մենք պարզապես չունենք։ Այս մասին հայտարարեց Հայաստանի երկրորդ նախագահ, «Հայաստան» դաշինքի առաջնորդ, ՀՀ վարչապետի թեկնածու Ռոբերտ Քոչարյանը ռուսական լրատվամիջոցներին տված հարցազրույցում՝ պատասխանելով հարցին, թե ինչպես կկառուցվի միջազգային հարաբերությունների համակարգը դաշինքի հաղթանակի դեպքում։

«Հետաքրքիր է, կա փորձառու դիվանագետների մեծ խումբ, բայց չկա արտաքին գործերի նախարարություն։ Ֆենոմենալ իրավիճակ է, երբ ամբողջ գերատեսչությունը... Ի դեպ, այս բոլոր երեք տարիների ընթացքում, բացի մեկ նախարարից, որն ինչ-որ դեր է խաղացել, կարծես թե (ես պարզապես տիրապետում եմ այդ տեղեկությանը) նրանք բոլորը զայրանում էին իշխանության արածից։ Դա արդյունքում հանգեցրեց այն բանին, որ նախարարությունը փլուզվեց։ Այդ ամենը պետք է վերականգնել, որովհետեւ դա այն գործիքն է, որի միջոցով իրականացվում է արտաքին քաղաքական գործունեությունը։ Կսկսենք սրանից, իսկ հետո կփորձենք կառուցել հարաբերություններն այն ուղղություններով, որոնք ավանդաբար մեզ համար կարեւոր են։ Դրանք հարաբերություններն են Ռուսաստանի հետ, հարաբերություններն Իրանի հետ, ԵՄ-ի հետ՝ ողջ ընդգրկմամբ։ Չինաստանի հետ պետք է կառուցել շատ լուրջ, ինստիտուցիոնալ հարաբերություններ, դա արդեն համաշխարհային տերություն է, եթե ոչ թիվ մեկը, բայց համարյա թե։ Իսկ գուցե եւ թիվ 1-ն է տնտեսական հնարավորությունների առումով։ Աշխատանք շատ կա»,- նշեց Քոչարյանը։

Կոմպլեմենտար քաղաքականություն կլինի՞։ «Միջանցքը կոմպլեմենտարության համար արդի աշխարհում շատ է նեղացել։ Մենք այն տարիներին կոմպլեմենտարությունն իրականացրել ենք բավական հաջող, բայց այն ժամանակ չկար Ռուսաստանի եւ Արեւմուտքի միջեւ փոխհարաբերությունների ներկայիս սրությունը։ ՆԱՏՕ-ն Ռուսաստանի հետ ավելի շատ ծրագրեր ուներ, քան Հայաստանի։ Այս առումով կոմպլեմենտարությունն այն ժամանակ տեղին էր, հիմա պետք է շատ լուրջ վերանայել դրա պարամետրերը։ Այսինքն՝ այն իրավիճակին վերադառնալ արդեն չի ստացվի, անկասկած։ Դա ճիշտ էլ չէր լինի։ Բայց կգտնենք ակտիվ արտաքին քաղաքականության նոր կրեատիվ մոդել»,- նշեց երկրորդ նախագահը։

Ինչ վերաբերում է նրան, թե ունի արդյոք դաշինքը արտաքին գործերի նախարարի թեկնածու, Քոչարյանն այդ առնչությամբ ասաց. «Ունենք, իհարկե։ Ես մի առիթով ասել եմ, որ մենք ունենք կառավարության, առնվազն, 2-3 կազմ։ Գրեթե հավասարազոր»։

!
Այս նյութը հասանելի է նաև   Русский
Տպել
Կարդացեք նաև
Ամբողջը
«Հայաստան» դաշինքը «Պատիվ ունեմի» հետ քննարկումներից հետո հանդես կգա ԱԺ փոխխոսնակի միասնական թեկնածուով․ Ի․ Սաղաթելյան
Մենք «Պատիվ ունեմ» դաշինքին համարում ենք մեր բնական դաշնակիցը․․․
Ինչո՞ւ ձեններդ չի լսվում․ ստեղ մանդատ վերցնելու խնդիր էր․ սկսում եմ ընդդիմությունից հիասթափվել. Գ.Պետրոսյան
Որոշ իրավաբաններ ինձ հակադրվում էին, ասում էին ԱԺ լուծարման հիմք չկա, այսինքն եթե ընդդիմություն չլինի, ԱԺ-ն մեխանիկորեն չի լուծարվում...
Ավարտվել է ընտրողներին կաշառք տալու և կաշառք ստանալու փաստով քննված ևս մեկ քրեական գործի նախաքննություն. ՀՔԾ
Մասնավորապես, «Պատիվ ունեմ» կուսակցությունների դաշինքի նախընտրական շտաբում աշխատող Գ. Նավոյանը 2021 թվականի հունիսի 18-ին բժշկական օգնություն...
Ընտրական հանցագործություններով հարուցվել է 78 քրգործ՝ 83 անձի նկատմամբ, 7 գործ ուղարկվել է դատարան. Դատախազություն
Մասնավորապես, քրեադատավարական կարգով նյութեր նախապատրաստելու նպատակով նախաքննության և հետաքննության մարմիններին ուղարկված…
Սյունիքի կալանավորված համայնքապետերին տեսակցելն արգելված է անգամ ԱԺ պատգամավորներին․ Ռոբերտ Հայրապետյան
Բաբաջանյան Արմանը Նաիրի Հունանյանին տեսակցել էր․․․
Այս ամենից հետո սենտիմենտալ դաշտ տեղափոխվելը ձեռառնոցի է.Սոս Հակոբյանը՝ Փաշինյանի շնորհավորանքին արձագանքելու մասին
Այդ մշակույթը ներմուծողն ու տարածողը այդ նույն մարդն է...
Ամենաշատ