News
Լրահոս
News
Հինգշաբթի
Հուլիս 29
Տեսնել լրահոսը

2021թ. 1-ին կիսամյակի ընթացքում ՀՀ գլխավոր դատախազության պետական շահերի պաշտպանության վարչությում ուսումնասիրվել է 2016-2020թթ. ընթացքում ՀՀ տարածքային կառավարման և ենթակառուցվածքների նախարարության պետական գույքի կառավարման կոմիտեի կողմից պետական սեփականություն հանդիսացող անշարժ գույքի օտարման գործընթացում պետական շահերի պաշտպանության վիճակը: Այս մասին NEWS.am-ը տեղեկանում է Գլխավոր դատախազությունից:

Ընտրանքային ուսումնասիրությունների արդյունքում պարզվել է, որ մի շարք դեպքերում պետական գույքի օտարման գործընթացն իրականացնելիս ՀՀ պետական գույքի կառավարման վարչության պատասխանատու պաշտոնատար անձինք, պաշտոնեական դիրքը ծառայության շահերին հակառակ օգտագործելով՝ խախտելով «Անշարժ գույքի գնահատման գործունեության մասին» ՀՀ օրենքի 9-րդ հոդվածի 2-րդ մասի պահանջները, առանց իրավական հիմքի և պայմանագիր կնքելու, 2016-2017թթ. «Ֆ...» ՍՊ ընկերությանն առաջարկել են իրականացնել անշարժ գույքերի գնահատման աշխատանքներ: ՍՊ ընկերության մասնագետները նշված ժամանակահատվածում կազմել են 15 կեղծ եզրակացություններ՝ վավերացված նշված ՍՊԸ-ի տնօրենի կողմից, որով ընդհանուր 378.700.000 ՀՀ դրամ իրական արժեքով գույքերը գնահատվել են ընդհանուր 135.016.137 ՀՀ դրամ, կամ շուրջ 3 անգամ պակաս իրական գնահատված արժեքից, որն էլ մրցութային հանձնաժողովի կողմից հիմք է ընդունվել նշված անշարժ գույքի օտարման մրցույթի համար: Արդյունքում, նշված գույքերն օտարվել են 79.144.580 ՀՀ դրամ ընդհանուր գումարով կամ շուրջ 5 անգամ պակաս իրական արժեքից՝ պետությանը պատճառելով շուրջ 299.555.420 ՀՀ դրամի վնաս:

Հայտնաբերված փաստերի առթիվ ՀՀ գլխավոր դատախազության պետական շահերի պաշտպանության վարչությունում ՀՀ քրեական օրենսգրքի 308-րդ հոդվածի 1-ին և 2-րդ մասերի հատկանիշներով հարուցվել է 15 քրեական գործ:

Հարուցված քրեական գործերի նախաքննության կատարումը հանձնարարվել է ՀՀ քննչական կոմիտեին:

ՀՀ դատախազությունը իր ողջ գործիքակազմով հետևողականորեն շարունակելու է պետական սեփականություն հանդիսացող անշարժ գույքի օտարման գործընթացում տեղ գտած չարաշահումների և խախտումների դեպքերը, սիստեմատիկ բնույթ կրող հանցավոր սխեմաները պարզելու, ինչպես նաև մեղավոր անձանց օրենքով սահմանված կարգով պատասխանատվության ենթարկելու ուղեգիծը:

Ծանուցում. ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Տպել
Կարդացեք նաև
Ամբողջը
Մահվան ելքով վրաերթ Կոտայքի մարզում
Ոստիկանությունն ու քննչական բաժինը պարզում են մահացածի և վարորդի ինքնությունը…
Բելգիայի դատախազությունը հետաքննություն է սկսել մի շարք քաղաքներում ջրհեղեղի վերաբերյալ
Լիեժ քաղաքի դատախազությունը հայտնել է, որ հետաքննության անցկացման համար քննիչ դատավոր է նշանակվել, որի ընթացքում կպարզվի՝ կա՞ որեւէ հիմք նախազգուշական միջոցների չկատարման հետեւանքով որեւէ մեկին սպանության մեջ մեղադրելու համար...
Վթարի է ենթարկվել 44 օրյա պատերազմում զոհված Դավիթ Այդոեւի մայրը
Նրան սպասում է բարդ վիրահատական միջամտություն…
42-ամյա տղամարդը էլկետրասյան վրա վերանորոգման աշխատանքներ կատարելիս էլեկտրահարվել է եւ մահացել
Ոստիկաններն ու քննիչները պարզել են, որ մահացածը Արարատի մարզի Այգեզարդ գյուղի բնակիչ, 42-ամյա Արամ Բարսեղյանն էր…
Երկու ամիս եղեգնաձորցի տանտերը տանը չէր եղել. այդ ընթացքում տնից գողացել էին սննդամթերք
Գողոնի մի մասը հայտնաբերվել է: Քննությամբ հանգամանքները պարզվում են…
Երեւան-Երասխ ճանապարհին Nissan Tiida-ն բախվել է Opel--ին, ապա գազատար խողովակին. 5 վիրավորների մեջ կան երեխաներ (ֆոտո)
Ըստ նախնական տեղեկությունների՝ վթարի մեղավորը եղել է…
Ամենաշատ