Իշխանությունները կշարունակեն աշխատել նույն ոճով, ինչպես աշխատում էին վերջին երեք տարվա ընթացքում։ Այս մասին հունիսի 22-ի մամուլի ասուլիսում ասել է «Հայաստան» դաշինքի առաջնորդ Ռոբերտ Քոչարյանը։
Դա, նրա խոսքով, հասկանալի է դարձել երեկվա ելույթներից հետո։
Մենք տեսանք, թե ինչի հանգեցրեց դա՝ Արցախի կորստին, ներքաղաքական եւ այլ ճգնաժամերի։ Նրանք 2018թ. հնարավորություն ունեին միավորել ժողովրդին եւ երկիրը տանել միանգամայն այլ ուղիով։ Մենք տեսա՞նք հաշտեցման ձգտում։ Ես չեմ նկատել։ Հավատալ այս իշխանությանը հնարավոր չէ։ Մեկը մի բան է ասում, երկրորդը՝ լրիվ հակառակը։ Եթե նրանք իսկապես ցանկանում են գնալ այդ ճանապարհով, ապա պետք է իրենց պատշաճ պահեն գոնե վեց ամիս, որպեսզի կարելի լինի հավատալ։ Չեմ կարող հավատալ, երբ փորձում են ձերբակալել բժիշկ Արմեն Չարչյանին անհիմն մեղադրանքով։ 44-օրյա պատերազմի եւ բազմաթիվ զոհերի մեղավորները փորձում են ձերբակալել մարդու, ով փրկել է հազարավոր կյանքեր։ Սա է իշխանությունների իրական դեմքը։ Դրա համար նրանց կոչերը զրոյական արժեք ունեն, նրանք պետք է ամեն ինչ ցուցադրեն իրենց գործողություններով»,- ավելացրել է Քոչարյանը։