News
Լրահոս
News
Երեքշաբթի
Հուլիս 27
Տեսնել լրահոսը

ԱՀ տարածքային կառավարման և ենթակառուցվածքների նախարարությունը ներկայացրել է պետության կողմից բնակարանների և բնակելի տների վարձավճարի փոխհատուցման ծրագրի վերաբերյալ ամենաշատ տրվող հարցերը.

Այն քաղաքացիները, որոնք օգտվում են վարձավճարների փոխհատուցման ծրագրից կարո՞ղ են օգտվել ՀՀ աշխատանքի և սոցիալական հարցերի նախարարության կողմից իրականացվող հյուրընկալության ծրագրից:

Ոչ, նույն քաղաքացին չի կարող լինել երկու ծրագրի շահառու:

Կարո՞ղ է տանտիրոջ փոխարեն ընտանիքի որևէ այլ անդամ կնքել պայմանագիր:

Համաձայան ԱՀ կառավարության 2021թ. մարտի 4-ի N 193-Ն որոշման՝ անշարժ գույքի վարձակալության պայմանագիր կնքվում է տան սեփականատիրոջ (համասեփականատիրոջ) կամ նրա կողմից լիազորված անձի հետ:

Եթե կողմերը անհամաձայնություն ունեն, ըստ պայմանագրի ի՞նչ ժամանակահատվածում պետք է լքել տունը:

Վարձակալության պայմանագիրը վաղաժամկետ դադարեցնելու համար ոչ ուշ քան մեկ ամիս առաջ վարձատուն գրավոր դիմում է ներկայացնում նախարարություն, որի մասին տեղեկացվում է նաև շահառուին:

Ո՞ր փաստաթղթի փոփոխության դեպքում պետք է ներկայանալ նախարարություն:

Անձնագրի, բանկային հաշվեհամարի, ինչպես նաև պայամանագրով վարձատուի կամ լիազորված անձի տվյալների փոփոխության դեպքում:

Ե՞րբ են տեղի ունենում փոխանցումները:

Փոխանցումները կատարվում են յուրաքանչյուր ամսվա 15-ից հետո։

Ի՞նչպես պետք է լուծարել պայմանագիրը:

Համաձայան ԱՀ կառավարության  2021թ. մարտի 4-ի N 193-Ն որոշման՝  վարձակալության և/կամ անհատույց օգտագործման պայմանագրերը կարող են լուծվել կողմերի փոխադարձ համաձայնությամբ, հետևյալ դեպքերում՝

1.            շահառուի նախաձեռնությամբ՝ տվյալ դեպքում լուծվում է միայն անհատույց օգտագործման պայմանագիրը:

2.            վարձատուի նախաձեռնությամբ՝

ա) եթե շահառուն վարձակալած կացարանը օգտագործում է ոչ բարեխղճորեն կամ դրա նպատակային նշանակությանը ոչ համապատասխան,

բ) եթե անհատույց օգտագործման պայմանագիրը լուծելուց հետո վարձատուն հրաժարվում է վարձակալության հանձնված կացարանը տրամադրել այլ շահառուի:

3.            նախարարության նախաձեռնությամբ՝

ա) եթե մոնիթորինգի արդյունքում պարզվում է, որ կողմերը չեն պահպանել պայմանագրի կանոնները կանոնները, մասնավորապես, շահառուն փաստացի չի բնակվում տվյալ կացարանում,

բ) եթե անհատույց օգտագործման պայմանագիրը լուծվելու պահին չկա այլ շահառու:

Եթե գումարը քիչ է փոխանցվել, ի՞նչ պետք է անել:

Գումարի քիչ փոխանցման պատճառները տարբեր են, ուստի պետք է ներկայանալ կամ զանգահարել ԱՀ տարածքային կառավարման և ենթակառուցվածքների նախարարության ֆինանսատնտեսական վարչության համապատասխան բաժին և տեղում ստանալ բոլոր հարցերի պարզաբանումները:

Հարցերի դեպքում 047979104

Տպել
Կարդացեք նաև
Ամբողջը
Արցախում հաստատվել է կորոնավիրուսի մեկ դեպք. մեկ օրում կատարվել է 130 թեստավորում
Կորոնավիրուսային հիվանդությունից այս պահին Արցախում ստացիոնար բուժում է ստանում 5 վարակակիր, իսկ թեթև hիվանդները ամբուլատոր բուժում են ստանում տնային պայմաններում…
Վիտալի Բալասանյանի մոտ քննարկվել են Արցախի 8 համայնքներում ՏԻՄ արտահերթ ընտրություների հետ կապված հարցեր
Արցախի ԱԽ քարտուղարությունից NEWS.am-ին հայտնում են, որ ներկայացվել են հետպատերազմական ժամանակահատվածում ընտրական գործընթացներ...
Արցախում կորոնավիրուսի նոր դեպք չի գրանցվել. Կատարվել է 33 թերստավորում
Արցախում 2021 թվականի ընթացքում կորոնավիրուսի լաբորատոր հայտնաբերման նպատակով իրականացվել է 10000 քաղաքացու հետազոտություն, որից 952-ի մոտ արձանագրվել է դրական թեստի պատասխան...
Արցախում ամուսնությունների թիվն աճել է
Ընդհանուր առմամբ՝ 2020 թվականի առաջին կիսամյակի համեմատ՝ 2021 թվականի առաջին կիսամյակում ծննդյան ակտային գրանցումների թիվը նվազել է 326-ով…
Արցախի նախագահը 16 նոր օրենք է ստորագրել
«Հարկերի մասին» օրենքում փոփոխություններ և լրացում կատարելու մասին…
Միայն Ստեփանակերտում մինչև տարեվերջ շահագործման կհանձնվի մոտ 350 բնակարան. Խորհրդակցություն Արցախում
Բնակարանաշինական ծրագրերի վերաբերյալ խորհրդակցություն...
Ամենաշատ