ՌԴ նախագահ Վլադիմիր Պուտինի խոսնակ Դմիտրի Պեսկովը հայտարարել է, որ Ռուսաստանը պատրաստ է ողջունել ԼՂ հարցով բանակցություններում Ֆրանսիայի միջնորդական ջանքերը, եթե դրանք նպաստեն պայմանավորվածությունների իրականացմանը, հաղորդում է «ՌԻԱ Նովոստի»-ն:
Նրա խոսքով՝ եթե այդ ջանքերը խաղաղություն են բերում, ապա կարելի է միայն ողջունել:
«Եթե միջնորդական ջանքերը կայունություն, խաղաղություն, կանխատեսելիություն բերեն, օգնեն իրականացնել առկա պայմանավորվածությունները, ապա կարելի է միայն ողջունել»,-ասել է նա՝ պատասխանելով հարցին, թե ինչպես է Ռուսաստանը վերաբերվում նրան, որ Ֆրանսիան, իբր, մտադրություն է հայտնել մտնել Ռուսաստան-Հայաստան-Ադրբեջան բանակցությունների ձևաչափ, այդ թվում հանդես գալ որպես միջնորդ:
Ֆրանսիան ՌԴ-ի եւ ԱՄՆ-ի հետ համարվում է ԼՂ հարցով ԵԱՀԿ ՄԽ համանախագահող երկիր:
