Մասնագետները պարզել են, որ շիմպանզեները միմյանց հետ հաղորդակցվում են ոչ բանավոր բարդ նշանների միջոցով: Նման «էթիկետը» նախկինում մարդկային յուրահատուկ գիծ էր համարվում: Գիտնականներն իրենց հետազոտությունները հրապարակել են iScience գիտական ամսագրում:
Դարհեմի համալսարանի աշխատակիցները նկատել են, որ իրար հետ խաղալիս շիմպանզեները հաճախ ընդհատվել են պատահական իրադարձությունների պատճառով, որոնք տեղի են ունեցել ինչպես վանդակների ներսում, այնպես էլ դրսում: Այս ընդմիջումները ուղեկցվել են երկու կապիկների կողմից անսովոր ժեստերով եւ գործողություններով, որից հետո պրիմատները վերադարձել են հաղորդակցությանը:
Երկու կամ ավելի կապիկների միջեւ հաղորդակցության ավելի քան 1.200 դրվագներ վերլուծելուց հետո գիտնականները պարզել են, որ նախքան շփումը սկսելը կամ ավարտելը պրիմատները կատարել են գործողությունների բարդ շարք: Ընդ որում, դրանց բնավորությունը փոխվել է՝ կախված պրիմատների միջեւ ծանոթության մակարդակից:
Կապիկները, որոնք միմյանց լավ են ճանաչում եւ խմբում գտնվում են հիերարխիայի նույն մակարդակի վրա, «ողջույններին» եւ «հրաժեշտներին» մոտենում էին պակաս ձեւականորեն, քան միմյանց անծանոթ կենդանիները:
Մինչ այժմ գիտնականները դժվարանում են ասել, թե ինչպես է ծագել այս «էթիկետը» եւ արդյո՞ք այն բնորոշ է մարդկանց նախնիներին եւ բարձր պրիմատներին:
