News
Լրահոս
News
Կիրակի
Մայիս 22
USD
458.98
EUR
485.74
RUB
7.81
Տեսնել լրահոսը

Օգոստոսի 12-ին Երեւանում բացվեց «Առաջ միասին» («Armenians Forward Together») ֆորումը (ֆոտոռեպորտաժ):

Ֆորումը կոչված է համագործակցության հարթակ դառնալ Հայաստանում եւ արտերկրում ապրող հայերի համար, որի շրջանակներում նրանք կարող են քննարկել իրենց գաղափարները, գտնել համախոհներ եւ Հայաստանի ու Ղարաբաղի զարգացմանն ուղղված հատուկ նախագծեր մշակել:

Ֆորումի անցկացման գաղափարը ծագել է Բոստոնում բնակվող մի խումբ հայերի մոտ ղարաբաղյան երկրորդ պատերազմի ավարտից անմիջապես հետո: Ներկայումս կազմակերպիչների ցանկում են նաեւ Հայաստանի եւ Կանադայի ներկայացուցիչները: Ֆորումի հիմնական թեմաներն են առողջությունը, կրթությունը, տեխնոլոգիաները եւ համայնքների զարգացումը: Ֆորումը կանցկացվի եռօրյա ձեւաչափով, որին կմասնակցի ավելի քան 250 մասնակից շուրջ ութ երկրից: Կազմակերպիչները ձգտում են կոնկրետ ծրագրեր մշակել եւ աշխատանքային խմբեր ստեղծել:

Ֆորումին մասնակցող «Learningmission»-ի հիմնադիր Ռուբեն Գարգալոյանը նշեց, որ 2020 թվականին Ղարաբաղում պատերազմից հետո ստեղծված ընկերության նպատակը սփյուռքի հետ սերտ համագործակցությամբ պատերազմի մասնակիցների  (այդ թվում՝  վիրավորված) համար հնարավորությունների ստեղծումն է՝ տեղեկատվական տեխնոլոգիաների ոլորտում գիտելիքներ եւ հմտություններ ձեռք բերելու, անգլերեն սովորելու եւ կարիերա սկսելու համար:

«Edu Armenia»-ի ներկայացուցիչ Անի Հովհաննիսյանն իր հերթին հայտարարեց, որ իրենց ընկերությունը եւս զբաղվում է կրթության զարգացմամբ Հայաստանում եւ Ղարաբաղում: Ընկերության աշխատանքի ուղղություններից մեկը, ըստ նրա, ուսուցիչների եւ դասախոսների վերապատրաստումն է: Նա ընդգծեց գիտելիքների տրամադրման կարեւորությունը, որը կարող է գործնական կիրառություն ունենալ: «Այս առումով մենք նախատեսում ենք իրականացնել համայնքների զարգացման ծրագիր՝ տեղի բնակիչների համար ծրագրավորման դասընթացների միջոցով:

Բացի այդ, մեզ հաջողվեց ստեղծել առցանց համալսարան, պարբերաբար համահայկական համաժողովներ են անցկացվում եւ մշտական ​​կապ է պահպանվում սփյուռքի հայերի հետ: Այն խնդիրների շարքում, որոնք Հայաստանում ունեն ուսուցիչները, աշխատավարձերն են, ինչպես նաեւ՝ տարրական հմտություններ ձեռք բերելու անհրաժեշտությունը»,- հավելեց Հովհաննիսյանը:

«Նոր Հայք» նախագծի ներկայացուցիչ Էրիկ Խաչատրյանն իր հերթին նշեց երեխաների կրթության, այդ թվում՝ բարձրագույն կրթության մատչելիության բարձրացման կարեւորությունը: Նա պարզաբանեց, որ նախագիծը, ի թիվս այլ բաների, նպատակ ունի կապ ստեղծել կրթական հաստատությունների եւ ուսանողների միջեւ: «Նախատեսվում է համագործակցություն հաստատել Հայաստանի ամերիկյան համալսարանի եւ Հայաստանի ագրարային համալսարանի հետ»,- ասաց Խաչատրյանը:

«Drone EduLab» ծրագրի ներկայացուցիչ Էդմոն Խաչատրյանը նշեց, որ իրենց նախագիծն ուղղված է ռոբոտաշինության հիմունքների ուսուցման կազմակերպմանը եւ անօդաչու թռչող սարքերի ստեղծմանը: Նա պարզաբանեց, որ վերապատրաստման ծրագիրն ուղղված է 13-17 տարեկան մարդկանց: «Դասընթացները սկսվել են 2021 թվականի ապրիլին: Դասընթացը բաղկացած է երկու փուլից, որոնցից յուրաքանչյուրը տեւում է չորս ամիս: Առաջին փուլում ուսանողներին ծանոթացնում են անօդաչու թռչող սարքերի, երկրորդ փուլում` ռոբոտների հետ: Առաջին փուլի ավարտին ուսանողներն արդեն կկարողանան անօդաչու թռչող սարքեր ստեղծել եւ դրանք օդ բարձրացնել: Ապագայում նախատեսում ենք դասընթացներ իրականացնել 9-12 տարեկան երեխաների համար»,- հավելեց Խաչատրյանը:

«Bright Minds» նախագծի ներկայացուցիչ Արամ Ջիվանյանը կարեւորեց դպրոցական օլիմպիադաների կազմակերպման ընդլայնումը, ավելի մեծ թվով աշակերտների ներգրավումը դրանց, քանի որ դա ոչ ստանդարտ մտածելակերպ է ձեւավորում, որն օգնում է հետագա կարիերայում: «Դասընթացները, որոնք մենք պատրաստվում ենք կազմակերպել, կլինեն անվճար, առցանց եւ ուղղված կլինեն տարրական դասարանների երեխաներին»,- ասաց նա:

«Գիտուժ» նախաձեռնության ներկայացուցիչ Գևորգ Սաֆարյանը նշեց, որ առանց գիտության Հայաստանը քչերին է հետաքրքիր, ուստի կարեւոր է բարձրացնել գիտության հեղինակությունը եւ ավելացնել ֆինանսավորումը: «Եթե մենք չզարգացնենք գիտությունը, դատապարտված կլինենք կործանման: Դա կարող է լինել նաեւ ինքնաոչնչացման կամ ենթարկման տեսքով»,- ընդգծեց նա: Սաֆարյանը հիշեցրեց, որ Հայաստանում գիտնականի միջին աշխատավարձը 100 հազար դրամ է, ուստի մարդիկ չեն ուզում գիտությամբ զբաղվել: «Մենք հասանք նրան, որ պետությունը 2 մլրդ դրամով ավելացրեց ֆինանսավորումը, որոշեց աստիճանաբար բարձրացնել գիտնականների աշխատավարձերը, բայց դա բավարար չէ: Անհատական նախագծերի իրականացումը կարեւոր է, սակայն համակարգված աշխատանք է անհրաժեշտ»,- հավելեց նա:

 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Թշնամուն նվիրված հայոց Շուշիում փողոցներից մեկն անվանակոչվել է Քեմալ Աթաթյուրքի անվան. Թուրքագետ
Այդ առիթով իր պաշտոնական թվիթերում շնորհակալություն է հայտնել…
ՄԻՊ-ը գերիների վերադարձի հարցում ընդգծել է Ռուսաստանի կարևոր ու պատասխանատու դերակատարումը
Մարդու իրավունքների պաշտպան Քրիստիննե Գրիգորյանը մայիսի 20-ին ընդունել է Հայաստանի Հանրապետությունում Ռուսաստանի Դաշնության արտակարգ և լիազոր…
Ինչպես արյունը ջուր չի դառնալու, այնպես էլ թուրքն իր հայատյացությունը չի թարգելու. Արտակ Զաքարյան
Հետևաբար կամ Նիկոլը (եթե պարզվի որ հայ չէ) թուրքերին հերոսական ծառայություն…
Բաքվի սանձազերծած պատերազմի հետեւանքով Արցախից բռնի 40 000 մարդ է տեղահանվել. Արցախի ՄԻՊ
Բռնի տեղահանվածները բացասական հետեւանքներն իրենց վրա զգացել են ողջ 2021 թվականի ընթացքում․․․
Ադրբեջանը միտումնավոր թաքցնում է հայ ռազմագերիների և գերեվարված քաղաքացիական անձանց թիվը. Արցախի ՄԻՊ
Այս պահին Ադրբեջանում գտնվող ռազմագերիների եւ գերեվարված քաղաքացիական...
Արարատ Միրզոյանի հանդիպումները Եվրոպական խորհրդարանում
Արարատ Միրզոյանը նշել է, որ ընթացիկ տարին բավականին ակտիվ է եղել ՀՀ-ԵՄ...