Ճապոնական Nishida Shoun տրանսպորտային ընկերությունը սկսել է կենսադիզելային վառելիք արտադրել ճապոնական ավանդական ռամեն ապուրից, տեղեկացնում է Post News պարբերականը։
Սեպտեմբերին ընկերությունը նախատեսում է իր բոլոր 170 բեռնատարները գործի դնել այդ վառելիքով։ Կենսադիզել արտադրել սկսել են շնորհիվ ընկերության նախագահ Մասումի Նիսիդայի գյուտի՝ նա ստեղծել է ապուրի հյութից ճարպի առանձնացման սարք։
«Սկզբում ես ոչինչ չէի հասկանում քիմիայից, ամեն բան արվում էր փորձերի եւ սխալների մեթոդով։ Բայց էկոլոգիային հասցվող վնասը մեծ խնդիր է դարձել, ուստի ես փորձում էի զարգանալ, եւ դա տվեց իր պտուղները»,- ասել է Նիսիդան։
Nishida Shoun վառելիքը ստացվում է խոզի ճարպից եւ բուսայուղերի մնացորդներից ստացվող վառելիքից։ Մեկ օրում կազմակերպությունն արտադրում է մոտ երեք հազար լիտր վառելիք։
Նախաձեռնությունն օգնում է ոչ միայն տրանսպորտային ընկերությանը, այլեւ մոտ երկու հազար ռեստորանների։ Նրանք այլեւս չեն վճարում ռամենի մնացորդների վերացման համար։